सांगली : हातकणंगले मतदारसंघात शिवसेनेचे धैर्यशील माने हे विजयी झाले असले तरी या मतदारंसघात समाविष्ट असलेल्या वाळवा, शिराळा मतदारसंघात महाविकास आघाडीला मताधिक्य मिळाल्याने जयंत पाटील यांचे वर्चस्व कायम असल्याचे स्पष्ट होते.

आमदार पाटील यांचे प्राबल्य असलेले जिल्ह्यातील वाळवा आणि शिराळा हे दोन मतदारसंघ. वाळव्याचे प्रतिनिधित्व प्रदेशाध्यक्ष पाटील यांच्याकडे तर शिराळ्याचे प्रतिनिधित्व जिल्हा बँकेचे अध्यक्ष मानसिंगराव नाईक यांच्याकडे आहे. या दोन्ही ठिकाणी आघाडीचे मताधिक्य ठळकपणे लोकसभा निवडणुकीत दिसून आले. महाविकास आघाडीत काँग्रेस, शिवसेना यांचेही मतदान असले तरी सद्यस्थितीत हे दोन्ही मतदारसंघ राष्ट्रवादी काँग्रेस शरदचंद्र पवार पक्षाला सुरक्षित असल्याचेच लोकसभा निवडणूक निकालावरून स्पष्ट झाले. वाळव्यात आघाडीला १७ हजार ४८१ अणि शिराळ्यात ९ हजार २८१ मते महायुतीपेक्षा जादा मिळाली आहेत.

Protest against Home Minister Amit Shah criticism of Uddhav Thackeray
उद्धव ठाकरेंना ‘औरंगजेब फॅन क्लबचे अध्यक्ष’ संबोधल्याने शिवसैनिक संतापले, अमित शाहांच्या पुतळ्याचे दहन
bjp-flag-759
पुण्यात आज भाजपचे अधिवेशन
Ajit Pawar, Supriya Sule,
अजित पवारांनी सुप्रिया सुळे यांच्या ‘त्या’ सूचनेचे केले कौतुक
Four of the Pawar family in the district planning committee meeting
जिल्हा नियोजन समितीच्या बैठकीत पवार कुटुंबातील चौघे; शरद पवारांना निमंत्रण, अजित पवारांच्या अध्यक्षतेखाली आज बैठक
Amol Kirtikar challenge to Ravindra Waikar MP
वायकर यांच्या खासदारकीला अमोल कीर्तिकरांचे आव्हान
Dr Madhav Kinhalkar, Dr Madhav Kinhalkar Resigns from BJP, Dr Madhav Kinhalkar next political decision, Bhokar Assembly constituency, nanded, sattakaran article, Maharashtra vidhan sabha election 2024,
सूर्यकांता पाटील यांच्यापाठोपाठ माधव किन्हाळकर यांचाही भाजपाला रामराम
there is no appointment of full time union minister from rrs in state bjp
रा. स्व. संघाकडून प्रदेश भाजपमध्ये पूर्णवेळ संघटनमंत्र्यांची नियुक्तीच नाही, केंद्रीय सहसंघटनमंत्री शिवप्रकाश यांच्याकडेच जबाबदारी
big leaders, Ajit Pawar group,
अजित पवार गटाचे दोन बडे नेते शरद पवार यांच्या भेटीला; कोल्हापुरात खळबळ

हेही वाचा – नाशिक मध्य, पश्चिम विधानसभा मतदारसंघांतील समीकरणे बदलणार ?

सध्या विधानसभा निवडणुकीची तयारी सर्वच ठिकाणी सुरू झाली आहे. वाळवा मतदारसंघामध्ये प्रदेशाध्यक्ष आमदार जयंत पाटील यांना अडकवून ठेवण्याची रणनीती विरोधकांची असली तरी विरोध संघटित होत नाही हीच आमदार पाटील यांची जमेची बाजू म्हटली पाहिजे. मतमोजणी होण्यापूर्वीच आमदार पाटील यांचे पारंपरिक प्रतिस्पर्धी माजी नगराध्यक्ष निशीकांत भोसले-पाटील यांनी महायुतीचा प्रचार केला नसल्याचा आरोप करीत भाजप व शिवसेनामधील काही मंडळींनी त्यांच्यावर पक्षाकडे कारवाईची मागणी केली. यामध्ये भाजपचे कार्यकर्ते जिल्हा बँकेचे संचालक राहुल महाडिक, विक्रम पाटील आणि शिवसेनेचे जिल्हा प्रमुख आनंदराव पवार आदींचा समावेश होता. तर महायुतीतील जागा वाटपात ही जागा कोणाकडे जाते हे पाहणेही महत्वाचे आहे. गेल्या निवडणुकीत शिवसेनेचे गौरव नायकवडी हे उमेदवार होते, तर भोसले-पाटील यांनी युतीतून बंडखोरी करत आमदार पाटील यांच्यासमोर आव्हान उभे करण्याचा प्रयत्न केला होता. गेल्या निवडणुकीमध्ये मतविभाजनाचा फायदा नेहमीप्रमाणे आमदार पाटील यांना झाला. यावेळी शिवसेनेचे पवार हे महायुतीतून उमेदवारीसाठी आग्रही राहणार असे प्रथमदर्शनी दिसत आहे. विरोधकांतील बेकीच प्रस्थापितांच्या मदतीला आली. यावेळी जर हे आव्हान अधिक ठोसपणे उभे करायचे असेल तर विरोधकांची मोळी अगोदर बांधण्याची गरज आहे. नजीकच्या काळात हे होईल का हा खरा प्रश्न आहे.

हेही वाचा – नाराज मराठा समाजाला आपलेसे करण्यासाठी महायुतीच्या आमदारांचा खटाटोप

आमदार पाटील हे राज्याचे नेते आहेत. राज्यात त्यांच्या पक्षाला लोकसभा निवडणुकीत चांगले यश मिळाले आहे. यामुळे या पक्षाचा पर्यायाने आमदार पाटील यांचे या निवडणुकीतही मनोबल चांगलेच राहणार यात शंका नाही. मात्र, राज्यभरात पक्षाचे काम करत असताना स्वत:च्या मतदारसंघासह शेजारच्या शिराळा मतदारसंघाकडे दुर्लक्ष होणार नाही याची त्यांनी खबरदारी घेतली आहे. आता तीन महिन्यांवर आलेल्या विधानसभा निवडणुकीत महायुती आणि महाआघाडी यांची राजकीय खेळी कशी असेल यावरच निवडणुकीचे चित्र अवलंबून असेल.