“कर्नाटकमधील ‘नंदिनी’ डेअरीचं ‘अमूल’मध्ये विलीनीकरण होणार नाही”, अमित शाहांच्या विधानावर बोम्मईंचा यू-टर्न

हा वाद सुरू असतानाच कर्नाटकचे मुख्यमंत्री बसवराज बोम्मई यांनी विलीनीकरणाच्या चर्चांना पूर्णविराम दिला. कर्नाटकमधील लोकप्रिय ब्रॅंड नंदिनी डेअरची वेगळी ओळख आहे, याचं अमूलमध्ये विलीनीकरण होणार नाही, अशी माहिती बोम्मईंनी दिली. तसेच गुजरातमधील अमूल डेअरी आणि कर्नाटकमधील नंदिनी डेअरी या दोन संस्थांचं विलीनीकरण करण्याचा कोणताही प्रस्ताव नाही, असंही बोम्मई म्हणाले.

हेही वाचा- सत्ताकारण: नोटबंदी बेकायदेशीर होती हे मत मांडणाऱ्या न्यायमूर्ती नागरत्ना देशाच्या पहिल्या महिला सरन्यायाधीशपदाच्या दावेदार

कर्नाटक मिल्क फेडरेशन हे कर्नाटक सहकार विभागाची एक संस्था आहे. या संस्थेकडून ‘नंदिनी’ या ब्रँडच्या नावाखाली दूध आणि दुग्धजन्य पदार्थांची विक्री केली जाते. अमूलनंतर ‘नंदिनी’ ही भारतातील सर्वात मोठी दुसऱ्या क्रमांकाची डेअरी सहकारी संस्था आहे. ३५ लाखांहून अधिक शेतकरी जिल्हास्तरीय दूध सहकारी महासंघांमार्फत केएमएफला दूध पुरवठा करतात. या संस्थेची वर्षाला २५ हजार कोटींची वार्षिक उलाढाल आहे. अशा या नफ्यात असणाऱ्या संस्थेचं अमूलमध्ये विलीनीकरण करण्याबाबतचं विधान अमित शाह यांनी केलं. यामुळे अमित शाहांच्या विधानावर अनेकांनी तीव्र आक्षेप घेतला.