कारण राजकारण : मुलीच्या बंडामुळे मंत्री धर्मरावबाबा आत्राम यांच्यासमोर दुहेरी आव्हान !

अवघ्या दोन महिन्यांवर येऊन ठेपलेल्या विधानसभा निवडणुकीसाठी गडचिरोली जिल्ह्यात राजकीय पक्षांनी मोर्चे बांधणी सुरू केली आहे. यामध्ये राजकीय दृष्ट्या ‘वजनदार’ समजल्या जाणाऱ्या अहेरी विधानसभेत मात्र महायुती आणि महाविकास आघाडीमध्ये जागा वाटपावरून जोरदार रस्सीखेच सुरू आहे. अशात मंत्री आत्राम यांची मुलगी भाग्यश्री आत्राम यांनी राष्ट्रवादी काँग्रेस शरद पवार गटात प्रवेश करण्याचा निर्णय घेत वडिलांनाच आव्हान दिल्याने मोठे राजकीय वादळ निर्माण झाले आहे.

आणखी वाचा

पिंपरी-चिंचवडवरील अजित पवारांची पकड सैल?

Bigg Boss 18 : गुणरत्न सदावर्तेंची शोमध्ये एन्ट्री,…

मुख्यमंत्र्यांच्या उपस्थितीत महायुतीच्या मेळाव्याकडे मित्र पक्षांची पाठ

माथाडी राजकारणाला शिंदे सेनेची बगल ? मराठा बहुल मेळाव्यावर भाजपचा प्रभाव

तिरुपती लाडू भेसळ वाद आणि नितीश कुमारांकडून राम मंदिराचे कौतुक; भाजपाच्या मित्रपक्षांनीही रेटला हिंदुत्वाचा मुद्दा

बीडमध्ये भाजपसमोर आव्हान

CM Siddaramaiah : कर्नाटकात का होतेय मुख्यमंत्री बदलाची चर्चा? सिद्धरामय्यांशी निष्ठावान समजल्या जाणाऱ्या ‘या’ नेत्यांची CM पदासाठी चर्चा!

धुळ्यात शिंदे गटाच्या दोन जिल्हाप्रमुखांमधील वादाचा पक्षाला फटका

हेही वाचा >>> राष्ट्रवादी काँग्रेसमध्येच; ज्येष्ठ नेते एकनाथ खडसे यांचे स्पष्टीकरण

आत्राम राजघराण्याचे वर्चस्व असलेल्या या विधानसभेचे काही अपवाद वगळल्यास आजपर्यंत आत्राम राजघराण्यातील व्यक्तीनेच नेतृत्व केले आहे. या ठिकाणीही आत्राम काका पुतण्यामध्ये टोकाचा राजकीय संघर्ष बघायला मिळतो. मात्र, यात आता मंत्री आत्राम यांच्या मुलीने उडी घेतल्याने यावेळी पहिल्यांदा आत्राम राजघराण्यातील तिघे एकमेकांविरोधात उभे राहणार आहेत.

मधल्या काळात बदललेल्या राजकीय समीकरणामुळे मंत्री आत्राम महायुतीत आले. तेव्हापासून भाजपच्या गोटात अस्वस्थता आहे. त्यामुळे या क्षेत्रात राष्ट्रवादी काँग्रेस अजित पवार गट विरुद्ध भाजप असेच चित्र दिसून आले आहे. २०१९ मध्ये भाजपचे माजी राज्यमंत्री अम्ब्रीशराव आत्राम यांचा धर्मरावबाबा आत्राम यांनी मोदी लाटेतही पराभव केला होता. हा पराभव अम्ब्रीशराव आत्राम यांच्या समर्थकांच्या चांगलाच जिव्हारी लागला. तेव्हापासून दोन्ही नेत्यांच्या समर्थकांकडून एकमेकांवर आरोप प्रत्यारोप होत असतात.

हेही वाचा >>> मुख्यमंत्रिपदाच्या ‘बिहार पॅटर्न’ची अफवा; अजित पवार यांचे स्पष्टीकरण

गडचिरोली-चिमूर लोकसभेवर मंत्री आत्राम यांनी महायुतीकडून दावा केला होता. परंतु त्यांना ऐनवेळेवर उमेदवारी नाकारण्यात आली. त्यामुळे महायुतीकडून अहेरी विधानसभेवर त्यांचा दावा अधिक मजबूत आहे. त्यांनी विधानसभेची तयारी सुरू केली असून ते दररोज संपूर्ण क्षेत्र पिंजून काढत आहेत. दुसरीकडे पक्ष बदलाच्या चर्चेत काही काळ शांत बसलेले भाजपचे अम्ब्रीशराव आत्राम पुन्हा सक्रिय झाले आहे. त्यांनी ठिक ठिकाणी भाजप पदाधिकाऱ्यांसोबत बैठका घेणे सुरू केले आहे. त्यामुळे दोन्ही पक्षातील कार्यकर्त्यांमध्ये संभ्रम निर्माण झाला असून महायुतीकडून कोणाला उमेदवारी मिळणार यासाठी नेत्यांसह नागरिकांमध्येही उत्सुकता आहे.