राजेश्वर ठाकरे बुलढाणा : भारत जोडो यात्रेने इतिहास रचला. महात्मा गांधी व पंडित जवाहरलाल नेहरू यांच्या विचारांचा वारसा जपणारे दोघे महात्मा गांधी यांचे पणतु तुषार गांधी व पंडित जवाहरलाल नेहरू यांचे पणतु राहुल गांधी हे दोघे शुक्रवारी भारत जोडो यात्रेत सहभागी झाले. देशाचे संविधान व लोकशाहीवर हुकुमशाही सरकार घाला घालत असले तरी आम्ही लोकशाही व संविधान वाचवण्यासाठी हातात हाथ घालून निघालो आहोत, असा संदेशच गांधी-नेहरू यांनी दिली. हेही वाचा. राहुल यांच्या शेगाव सभेसाठी विदर्भातून कार्यकर्त्यांचे जत्थे हेही वाचा. घराणेशाही करणाऱ्या खडसे-महाजनांमध्ये घराणेशाहीवरून कलगीतुरा देशात जेव्हा इंग्रज सत्तेची हुकमशाही राजवट अत्याचार करत होती तेंव्हा जनतेचा आवाज बुलंद करत गांधी - नेहरू रस्त्यावर उतरले होते. स्वातंत्र्याच्या लढ्याचा जाज्वल्य इतिहास आज महाराष्ट्रातील बुलढाणा जिल्ह्यातील हजारो लोकांनी पुन्हा अनुभवला. राहुल गांधी व तुषार गांधी भाजपाच्या हुकुमशाही राजवटीविरोधात जनतेचा आवाज बुलंद करत आज रस्त्यावर उतरले.
