people of Hingoli waited for five hours for the CM Eknath Shinde meeting, CM announces financial assistance | Loksatta

सभेसाठी हिंगोलीकर पाच तास ताटकळले, मुख्यमंत्र्यांकडून मदतीच्या घोषणांचा पाऊस

रात्री आठ वाजता मुख्यमंत्र्यांचे आगमन झाले त्यांनी अतिवृष्टीची पाहणीच न केल्याने शेतकरी नाराज झाले असले तरी मुख्यमंत्र्यांनी आपल्या भाषणातून आश्वासनांचा पाऊस पाडला.

सभेसाठी हिंगोलीकर पाच तास ताटकळले, मुख्यमंत्र्यांकडून मदतीच्या घोषणांचा पाऊस
सभेसाठी हिंगोलीकर पाच तास ताटकळले, मुख्यमंत्र्यांकडून मदतीच्या घोषणांचा पाऊस

हिंगोली: जिल्ह्यात मुख्यमंत्री एकनाथ शिंदे येणार असल्याने गेल्या आठ दिवसांपासून तयारी सुरू झाली होती. त्यानंतर सोमवारी दुपारी तीन वाजता येणार म्हणून कार्यकर्ते आणि हिंगोलीकर पाच तास ताटकळत बसले होते. रात्री आठ वाजता मुख्यमंत्र्यांचे आगमन झाले त्यांनी अतिवृष्टीची पाहणीच न केल्याने शेतकरी नाराज झाले असले तरी मुख्यमंत्र्यांनी आपल्या भाषणातून आश्वासनांचा पाऊस पाडला. राज्याच्या इतिहासात शेतकऱ्यांना आजवरचा सर्वाधिक निधी दिला जाईल, असे आश्वासन त्यांनी या वेळी दिले. महात्मा गांधी चौकात मोठे व्यासपीठ उभारण्यात आले होते. तर सुरक्षेच्या दृष्टिकोनातून पोलिसांनी ठिकठिकाणचे रस्ते बंद केले होते. त्यामुळे बाहेर गावाहून येणाऱ्या नागरिकांची मोठी अडचण झाली होती.

दुपारपासूनच बाहेर गावाहून आलेले कार्यकर्ते व नागरिक सभेच्या ठिकाणी हजर झाले होते. रात्री आठ वाजता मुख्यमंत्री शिंदे हिंगोलीत दाखल झाले. यावेळी व्यासपीठावर खासदार हेमंत पाटील, आमदार तान्हाजी मुटकुळे, आमदार संतोष बांगर, राम कदम, माजी खासदार शिवाजी माने, राजेंद्र शिखरे, मनीष साखळे, श्रीराम बांगर, सुभाष बांगर, अशोक नाईक आदी उपस्थित होते.

हेही वाचा… Maharashtra Cabinet Expansion Live: अखेर आज शिंदे-फडणवीस सरकारचा मंत्रिमंडळ विस्तार, शपथविधीला सुरुवात

मात्र नांदेडवरून येताना त्यांनी जिल्ह्याच्या नुकसानीची पाहणीही केली नाही. मागील एक महिन्यापासून जिल्ह्यात कमी अधिक प्रमाणात सुरू असलेल्या पावसामुळे पिकांचे मोठे नुकसान झाले. तर वसमत तालुक्यात झालेल्या अतिवृष्टीमुळे झालेल्या नुकसानीपोटी शेतकऱ्यांना मदत करण्यााठी ५१ कोटी रुपयांची मदत लागणार असल्याचा अहवाल देखील प्रशासनाने पाठविला आहे.

शेतकऱ्यांसाठी मदतीच्या घोषणांबरोबरच लमाणदेव तीर्थक्षेत्राला ५ कोटी निधीबरोबरच कळमनुरी येथे शेळी मेंढी कार्यालयासाठी सकारात्मक आश्वासन देण्यात आले. कळमनुरी येथे आदिवासी भवन बांधण्यासाठी पाच कोटी रुपये देण्याची घोषणा केली. मराठा आरक्षण प्रकरण न्यायालयात प्रलंबित आहे. मराठ्यांना आरक्षण देण्यासाठी युद्ध पातळीवर प्रयत्न केले जातील आणि ते मिळवून देणारच, असे आश्वासन शिंदे यांनी दिले. हळद संशोधन प्रक्रिया प्रकल्पात काही त्रुटी होत्या त्या दूर करून शंभर कोटी राज्य सरकारने मंजूर केल्याचेही त्यांनी सांगितले.

मराठीतील सर्व सत्ताकारण ( Politics ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
वरातीवर हल्ला: उत्तर प्रदेशातील एका नेत्याचा उदय आणि एका कुटुंबाची ३० वर्षे फरफट

संबंधित बातम्या

श्रीशैल्य उटगे : ग्रामीण जनतेचा आवाज
लातूरमधील औशात ग्रामीण मतपेढी बांधणीचा नवा मार्ग, आमदार निधीतून एक हजार किलोमीटरचे शेतरस्ते
देवेंद्र फडणवीस यांच्याकडून नांदेडचीच निवड का ?
Gujrat Assembly Election : बदलत्या राजकारणात भूपेंद्र पटेल यांनाच मुख्यमंत्रीपदासाठी पसंती का?
सुप्रिया सुळे यांच्या प. महाराष्ट्र दौऱ्यातही गटतटाचे दर्शन!

व्हिडिओ

ताज्या बातम्या
“तुमची लायकी…”, JNU मधील ब्राह्मणविरोधी घोषणांवरून मनोज मुंतशिर-काँग्रेस नेत्यात बाचाबाची; सावरकरांचाही केला उल्लेख
उदय सामंत यांनी दिली जत तालुक्यातील गावांना भेट, स्थानिकांनी मांडल्या व्यथा!
सांगली: वाळवा तालुक्यात ऊसाच्या फडात आढळला जखमी रानगवा; उपचारानंतर नैसर्गिक आधिवासात सोडणार
Team India: राहुल द्रविडची प्रशिक्षक पदावरून हकालपट्टी? बीसीसीआयकडून हालचालींना वेग
Himachal Pradesh Election Exit Poll : हिमाचलमध्ये भाजपा-काँग्रेसमध्ये चुरशीची लढत; सत्ता परिवर्तनाची परंपरा कायम राहण्याची चिन्ह!