मराठवाड्यात भाजपच्या वाट्याच्या पाच जागा कमी होण्याची शक्यता

उदगीर मतदारसंघात राष्ट्रवादी विरुद्ध भाजप अशी लढत होऊन संजय बनसोडे विजयी झाले. आता ही जागा भाजप मागता येणार नाही. त्यामुळे भाजपातील नेते आता राष्ट्रवादी काँग्रेसच्या शरद पवार गटात दाखल झाले आहेत. यामध्ये सुधाकर भालेराव यांचा समावेश आहे तर गेल्या वेळी भाजपचे उमेदवार अनिल कांबळे यांनीही शरद पवार यांचे नेतृत्व स्वीकारले आहे. माजलगाव मतदारसंघात प्रकाश सोळंके यांच्या मतदारसंघात त्यांच्या विरुद्ध निवडणूक लढविणारे भाजपचे उमेदवार रमेश आडसकर यांना संधी कशी मिळेल, असा प्रश्न आहे.

नक्की वाचा

LokPoll Survey: महाराष्ट्रात लोकसभेची पुनरावृत्ती होणार; मविआला १४१ ते १५४ जागा, तर महायुतीला…

४ ऑक्टोबर पंचांग: मेष, वृषभसह ‘या’ राशींवर देवी…

Ramdas Kadam : “उद्धव ठाकरेंना म्हटलं होतं दोन तासांत आमदार परत आणतो; पण…”, शिवसेना शिंदे गटाच्या नेत्याचं मोठं विधान

Sharad Pawar : “लाडकी बहीण योजनेमुळे महायुतीचं राज्य पुन्हा येईल, अशी स्थिती…”; शरद पवारांचं वक्तव्य चर्चेत

Devendra Fadnavis on CM face: “शरद पवारांच्या डोक्यात मुख्यमंत्रीपदाचं नाव शिजतंय”, देवेंद्र फडणवींसाचं मोठं विधान; म्हणाले, “उद्धव ठाकरेंना..”

कल्याणीनगर अपघात प्रकरणात आमदार टिंगरेंची चौकशी केल्याला पोलीस आयुक्त अमितेश कुमार यांचा दुजोरा

Jaydeep Apte : जयदीप आपटेला पोलिसांनी हाक मारली, रडत गयावया करु लागला आणि म्हणाला; “मला…”

Atishi Marlena Delhi New CM: केजरीवाल यांनी आतिशी मार्लेना यांनाच मुख्यमंत्री पद का दिले? ‘आप’ची मोठी खेळी

आणखी वाचा-TMC : कोलकाता बलात्कार प्रकरणावरून ममता बॅनर्जी गटाचे खासदार अभिषेक बॅनर्जींशी मतभेद? पक्षात दोन गटांची वेगळी मतं!

अहमदपूरमध्येही अजित पवार गटाचे आमदार बाबासाहेब पाटील यांच्या विरोधात निवडणूक लढविणारे आमदार विनायकराव पाटील यांनी आता राष्ट्रवादीच्या शरद पवार गटात प्रवेश घेतला आहे. विनायकराव पाटील हे गेल्या निवडणुमध्ये भाजपचे उमेदवार होते. आष्टीमध्ये भाजपचे सुरेश धस, भीमराव धोंडे यांचा उमेदवारी दावा असला तरी आमदार बाळासाहेब आसबे यांना डावलून महायुतीमध्ये अजित पवार यांचा शब्द या मतदारसंघात अंतिम मानला जाईल का, असाही प्रश्न प्रश्न उपस्थित केला जात आहे.

परळी येथील जागेवर धनंजय मुंडे यांचे उमेदवार नक्की असल्याने या मतदारसंघात कमळ नसेल हे आता स्पष्ट झालेले आहे. त्यामुळे मराठवाड्यातील या पाच जागांऐवजी भाजप अन्य कोणत्या जागांवर दावा करेल, हे अद्यापि ठरलेले नाही. जागा वाटपाचे सूत्र लवकरच ठरवले जाईल असे भाजप प्रदेशाध्यक्षांनी नुकतेच जाहीर केल्यानंतर तिढ्यातील जागा अजित पवार गटाबरोबर अधिक असतील, असे चित्र दिसून येत आहे.

आणखी वाचा-Ajit Pawar: ‘महायुतीत असलो तरी…’, जागावाटप आणि मुख्यमंत्रीपदाबाबत अजित पवार यांनी मांडली रोखठोक भूमिका

दरम्यान काही शिवसेना शिंदे गटाच्या जागांवर भाजप दावा करेल असे चित्र आहे. यामध्ये लातूर ग्रामीण मतदारसंघाचा समावेश आहे. या मतदारसंघात शिवसेनेच्या ठाकरे गटाने मुंबईचा एक उमेदवार उभा करून ही जागा आमदार धीरज देशमुख यांचा विजय व्हावा, अशाच पद्धतीने लढवली होती. परिणामी या मतदारसंघात राज्यातील सर्वाधिक ‘ नोटा ’ मते नोंदली गेली होती. या मतदारसंघातून रमेशअप्पा कराड हे भाजपकडून उमेदवारीसाठी दावा करत असल्याने ही जागा भाजप घेईल, असा अंदाज बांधण्यात येत आहे. त्यामुळे मराठवाड्यात भाजपची लढत असणाऱ्या जागांची संख्या २६ असेल की त्यापेक्षा ते कमी जागांवर लढतील, याचे औत्सुक्य वाढले आहे.