त्रिपुरात भाजपामध्ये गळती सुरूच; आणखी एका आमदाराचा राजीनामा | Tripura BJP MLA is leaving party Barbu Mohan Tripura Resign | Loksatta

त्रिपुरात भाजपामध्ये गळती सुरूच; आणखी एका आमदाराचा राजीनामा

भाजपाचे ज्येष्ठ आमदार बारबू मोहन त्रिपुरा यांनीही आमदाराकीचा राजीनामा दिला आहे.

त्रिपुरात भाजपामध्ये गळती सुरूच; आणखी एका आमदाराचा राजीनामा
फोटो सौजन्य- इंडियन एक्स्प्रेस

इंडिजिनस पीपल्स फ्रंट ऑफ त्रिपुराचे (IPFT) आमदार बृष्केतू देबबरमा यांना पक्षांतर विरोधी कायद्याचे उल्लंघन केल्याबद्दल त्रिपुरा विधानसभेतून अपात्र ठरवण्यात आले. त्यानंतर भाजपाचे ज्येष्ठ आमदार बारबू मोहन त्रिपुरा यांनीही आमदाराकीचा राजीनामा दिला आहे. दरम्यान, शुक्रवारी त्यांनी माजी आमदार गौरी शंकर रेआंग यांच्या बरोबर तिपरा मोथा ( TIPRA ) पक्षात समावेश केला. बारबू मोहन हे २०१८ मध्ये भाजपाच्या तिकीटावर कारबूक विधानसभा मतदार संघातून आमदार म्हणून निवडणून आले होते. त्यामुळे बारबू मोहन यांच्या राजीनाम्यानंतर आता त्रिपुरा विधानसभेचे संख्याबळ आता ५८ वर आले आहे.

हेही वाचा >>>>बारामतीत जोर लावणाऱ्या भाजपकडे उमेदवाराची वानवा

गेल्या साडेचार वर्षात भाजापाला सोडचिठ्ठी देणारे बारबू मोहन हे चौथे आमदार आहेत. यापूर्वी भाजपचे माजी आमदार आशिष दास यांनी मे २०२१ भाजपातून बाहेर पडत तृणमूल काँग्रेसमध्ये प्रवेश केला होता. त्यानंतर भाजपचे माजी आमदार सुदीप रॉय बर्मन आणि आशिष कुमार साहा यांनीही या वर्षाच्या सुरुवातीला पक्षाचा राजीनामा देऊन काँग्रेसमध्ये प्रवेश केला होता.

हेही वाचा >>>> आगामी लोकसभा निवडणुकीत बिहारमध्ये ३२ जागा जिंकण्याचे भाजपाचे लक्ष्य?; बहुमताने सरकार स्थापन करण्याचाही अमित शाहांना विश्वास!

भाजपाबरोबच त्यांचा मित्रपक्ष असलेल्या आयपीएफटीलाही झटके बसले आहेत. आयपीएफटीचे माजी सरचिटणीस आणि बिप्लब देब यांच्या मंत्रिमंडळात मंत्री असलेले मेवर कुमार जमाटीया यांनाही पक्षातून बाहेरचा रस्ता दाखवण्यात आला आहे. मेवर हे कायम पक्षाशी एकनिष्ठ राहिले असले, तरी त्यांच्या पत्नीसह त्यांचे अनेक जवळचे सहकाऱ्यांनी अलीकडेच तिपरा मोथा पक्षात प्रवेश केला आहे.

मराठीतील सर्व सत्ताकारण ( Politics ) बातम्या वाचा. मराठी ताज्या बातम्या (Latest Marathi News) वाचण्यासाठी डाउनलोड करा लोकसत्ताचं Marathi News App.

Next Story
बारामतीत जोर लावणाऱ्या भाजपकडे उमेदवाराची वानवा

संबंधित बातम्या

राजाराम हायस्कूल स्थलांतरावरून कोल्हापूरचे पालकमंत्री दीपक केसरकर यांच्या विरोधात काहूर
काँग्रेसने थेट रावणाशी तुलना केल्यानंतर नरेंद्र मोदी पुन्हा आक्रमक; म्हणाले, “काँग्रेस नेते मला अपशब्द बोलतात, मात्र…”
मंत्रपठण-पूजाअर्जा करून राष्ट्रीय मागासवर्गीय आयोगाच्या अध्यक्षपदाचा हंसराज अहिर यांच्याकडून स्वीकार

व्हिडिओ

ताज्या बातम्या
‘मित्र’च्या उपाध्यक्षपदी मुख्यमंत्र्यांचे निकटवर्ती; निती आयोगाच्या धर्तीवरील संस्थेत ठाण्याचे विकासक अजय आशर
डिसेंबर सर्वाधिक थंडीचा महिना; राज्यभर किमान तापमान सरासरीखाली
श्रद्धा वालकर हत्या प्रकरण : आफताबच्या ‘नार्को’नंतरची चौकशी तिहार कारागृहात पूर्ण
जत तालुक्याला पाणी योजनांसाठी निधी; मुख्यमंत्री एकनाथ शिंदे यांचे निर्देश
सरकारतर्फे वर्षभर कार्यक्रमांची रेलचेल ; पं. कुमार गंधर्व जन्मशताब्दी