मुंबई : दलित, अल्पसंख्यांक व आलुते-बलुतेदारांचा पक्ष असल्याची शेखी मिरवणाऱ्या ॲड. प्रकाश आंबेडकर यांच्या ‘वंचित बहुजन आघाडी’ला लोकसभा निवडणुकीत जबर फटका बसला आहे. वंचितने २०१९ च्या लोकसभा निवडणुकीत ६.९८ टक्के मते घेतल होती. यंदा वंचितला अवघी ३.६७ टक्के मते मिळाली आहेत.

या लोकसभेला वंचितने राज्यात ३७ उमेदवार उभे केले होते. वंचितच्या उमेदवारांची मतांची बेरीज १५ लाख ९५ हजार ४०१ (३.६७ टक्के) भरते. २०१९ च्या लोकसभा निवडणुकीत वंचितला ३७ लाख ४३ हजार ५६० मते होती. मतांची टक्केवारी ६.९८ इतकी होती.

Train Couple Intimate
हा तर निर्लज्जपणाचा कळस! धावत्या ट्रेनमध्ये कपलचे अश्लील चाळे; प्रवाशांसमोर केले असे काही घाणेरडे कृत्य की..; VIDEO व्हायरल
Sania Mirza Marrying Mohammed Shami Rumors
सानिया मिर्झा व मोहम्मद शमीच्या लग्नाच्या चर्चांवर सानियाच्या वडिलांनी सोडलं मौन; म्हणाले, “ती त्याला भेटली..”
Prakash Ambedkar, Buddhist-Dalits,
बौद्ध-दलित ‘शहाणे’ आहेतच, हे श्रेय प्रकाश आंबेडकरांनीही मान्य करावे!
Gemini mobile app in India available in Marathi English and 8 Indian languages new features Gemini in Google Messages and many more
गुगलकडून मराठीला मोठा मान; सुंदर पिचाई यांची मोठी घोषणा, आता जेमिनी करून देणार तुमची ‘ही’ कामं; एकदा पाहाच
Vasco da Gama leaving the port of Lisbon, Portugal
Vasco da Gama ‘या’ गुजराती तांडेलाने ‘वास्को द गामा’ला भारतात आणले; इतिहास नेमके काय सांगतो?
Car Tips
कारचे ब्रेक लावताना क्लच का दाबू नये तुम्हाला माहितीये का? जाणून घ्या यामागील खरं कारण
devendra fadnavis on pune porsche car accident (1)
पुणे पोर्श अपघात प्रकरण: देवेंद्र फडणवीसांनी विधानसभेत सांगितल्या पोलिसांच्या ‘या’ चुका; म्हणाले, “पहिली चूक म्हणजे…”
Nilesh Lanke
Parliament Session : मराठी नव्हे इंग्रजीत… निलेश लंकेंचा संसदेत पहिला शपथविधी, शेवटी म्हणाले…

हेही वाचा >>> नारायण राणेंच्या विजयामुळे ठाकरेंच्या गडाला सुरुंग

वंचितच्या दोन उमेदवारांनी यावेळी लाखाचा मतटप्पा ओलांडला आहे. त्यात अकोला येथे ॲड. प्रकाश आंबेडकर आणि हिंगोलीत डॉ. बी.डी. चव्हाण यांना अनुक्रमे २ लाख ७६ हजार व १ लाख ६१ हजार मते मिळाली आहेत. वंचितचे २१ उमेदवार तिसऱ्या स्थानी असून १५ उमेदवार चौथ्या क्रमांकावर आहेत. सात मतदारसंघात वंचितच्या उमेदवाराला नोटा (कोणीही पसंत नाही) पेक्षा कमी मते आहेत. अनुसूचित जातीसाठी राखीव असलेल्या दोन मतदारसंघात वंचितने उमेदवार दिले होते. त्यातील शिर्डीत उत्कर्षा रुपवते ९० हजार मते मिळवू शकल्या आहेत.

हेही वाचा >>> राधाकृष्ण विखे यांच्या वर्चस्वाला धक्का

२०१९ च्या निवडणुकीत वंचितमुळे नांदेड,सोलापूर, सांगली, परभणी, गडचिरोली-चिमूर, बुलढाणा, हातकणंगले या ७ मतदारसंघात काँग्रेसच्या उमेदवारांना पराभूत व्हावे लागले होते. यंदा बुलढाण्यात वंचित उमेदवाराने ९८ हजार मते घेत ठाकरे यांच्या शिवसेनेचे नरेंद्र खेडेकर यांच्या पराभवात वाटा उचलला. उद्धव ठाकरे यांनी युती तोडल्याचा प्रकाश आंबेडकर यांना राग होता. त्यातून त्यांनी ठाकरे गटाच्या विरोधात रणनीती आखली होती.

मुंबईच्या सहा मतदारसंघात वंचितला अवघी ६० हजार ५२८ मते (१,२७ टक्के) मिळाली आहेत. ऑक्टोबरमध्ये राज्यातील विधानसभा निवडणुका होत आहेत. वंचितला विधानसभा महाविकास आघाडीतून लढवण्याची इच्छा आहे. पण, वंचितचा घसरलेला मतटक्का पाहून आघाडीमध्ये वंचितला स्थान मिळेल का याविषयी शंका आहे.