एप्रिलमध्ये तामिळनाडूमध्ये भाजपाने अण्णाद्रमुकशी हातमिळवणी केली. त्यानंतर आता भाजपाचे लक्ष पट्टाली मक्कल कच्ची (पीएमके) या छोट्या मित्रपक्षावर आहे. खरं तर आरएसएसचे विचारवंत एस गुरूमूर्ती यांनी वरिष्ठ रामदास यांच्या निवासस्थानी झालेल्या महत्त्वाच्या भेटींमागे एख खास कारण आहे. पीएमकेच्या दोन गटांना म्हणजेच संस्थापक एस रामदास यांच्या गटाला आणि त्यांचा मुलगा अंबुमणी रामदास यांच्या गटाला एकाच पटलावर आणण्याचे प्रयत्न या भेटीमागे असल्याचे बोलले जाते. त्यानंतर तामिळनाडूत एनडीए करारावर शिक्कामोर्तब केला जाऊ शकतो.
केंद्रीय मंत्री अमित शाह यांनी रविवारी मदुराईला भेट दिली. भाजपाने के. अन्नामलाई यांच्या जागी नैनार नागेंद्रन यांची प्रदेश पक्षाध्यक्ष म्हणून नियुक्ती केल्यानंतर काही आठवड्यांनंतर ही भेट झाली आहे. यामुळे दक्षिणेकडील राज्यात राजकीय एकत्रीकरणासाठी नव्याने प्रयत्न सुरू झाल्याचे संकेत मिळत आहेत, त्यानंतर ही त्यांची राज्यात दुसरी भेट आहे.
२०२४ च्या लोकसभा निवडणुकीत पीएमके पक्ष १० मतदारसंघांतून लढले, मात्र त्यांना एकही जागा जिंकता आली नाही. पीएमके धर्मपुरी या जागेवर दुसऱ्या, इतर आठ जागांवर तिसऱ्या आणि आणखी एका जागेवर चौथ्या क्रमांकावर आला. असं असताना केंद्रातील सत्ताधारी भाजपाला इतक्या लहान पक्षाशी युती करण्यासाठी उत्सुकता का आहे?
पराभवानंतरही पीएमकेने २०२४ मध्ये १० मतदारसंघांमध्ये अंदाजे ४.३३ टक्के मतं मिळवली. तामिळनाडूमध्ये पक्षाचे राजकीय महत्त्वदेखील लक्षणीय आहे. प्रामुख्याने वान्नियार समुदायाचे प्रतिनिधित्व करणारा हा प्रादेशिक पक्ष म्हणून तसंच राज्याच्या लोकसंख्येचा एक महत्त्वाचा भाग आहे.
भाजपाची रणनीती
- अण्णाद्रमुकच्या पाठिंब्यामुळे भाजपाला एम. के. स्टॅलिन यांच्या नेतृत्वाखालील द्रमुकला कमकुवत करण्यास मदत
- येत्या काळात द्रमुक सरकारची गैरकृत्ये उघड करण्याचा पक्षाचा प्रयत्न
- विकासावर लक्ष केंद्रित करण्यास आणि तरुणांच्या आकांक्षा पूर्ण करण्यास भाजपा सक्षम असल्याचं सादरीकरण
१९८९ मध्ये डॉ. एस. रामदास यांनी स्थापन केलेले पीएमके हे वन्नियार समुदायाचे प्रमुख समर्थक आहेत. हा एक अत्यंत मागासवर्गीय गट आहे. धर्मपुरी, कुड्डालोर, विल्लुपुरम आणि सालेमसारख्या जिल्ह्यांमध्ये पक्षाची मजबूत पकड असल्याने ते महत्त्वाचा खेळाडू ठरतात. ज्या राज्यात भाजपाला सवर्ण किंवा उच्च जातीचा पक्ष म्हणून पाहिले जाते, तिथे पीएमकेसारखा मित्रपक्ष तामिळनाडूमध्ये प्रचारादरम्यान द्रमुकच्या जाती-आधारित वक्तृत्वाचा बराचसा भाग घेऊ शकतो, असे भाजपाच्या सूत्रांनी सांगितले.
शिवाय तामिळनाडूमध्ये जातीआधारित वकिलीचे पुनरुज्जीवन होत असताना पीएमकेसारख्या संघटनांनी २०२१ मध्ये एमबीसी कोट्यात वन्नियारांसाठी १०.५ टक्के विशेष आरक्षणासाठी यशस्वीरित्या पुढाकार घेतला. मात्र, हे आरक्षण नंतर सर्वोच्च न्यायालयाने रद्द केले होते. हा पक्ष लहान असला तरी भाजपाला तामिळनाडूच्या राजकारणात मुख्य प्रवाहात येण्यास मदत करेल, असेही पक्षाचे मत आहे. “पीएमकेचा प्रभाव फक्त उत्तर तामिळनाडूपुरता मर्यादित आहे. मात्र, आम्ही या निवडणुकीकडे एका वेगळ्या मानसिकतेसह पाहत आहोत. आम्हाला असे वाटते की, पीएमकेचे हितसंबंध आणि एनडीएचे हितसंबंध एकमेकांशी उत्तमरित्या जुळतील”, असे भाजपातील एका सूत्राने सांगितले.
दुसरीकडे, पीएमके एनडीएशी जुळवून घेण्यापूर्वी त्याचे नेतृत्व कोण करणार हे माजी पंतप्रधानांनी ठरवावे. डॉ. रामादास यांनी अलीकडेच त्यांचा मुलगा अंबुमणी यांच्यावर २०२४ च्या लोकसभा निवडणुकीत एनडीएमध्ये सामील होण्यास भाग पाडल्याचा आरोप केला होता. त्यावेळी पीएमके एकही जागा जिंकू शकला नाही. गुरुमूर्ती आणि चेन्नईचे महापौर सैदाई दुरईस्वामी यांनी वरिष्ठ रामादास यांची भेट घेतली होती. गुरूमूर्ती यांचा मुलगा पक्षप्रमुखपदाचा अधिकार सोडू इच्छितो, यावर चर्चा सुरू असतानाही गुरुमूर्तींनी असा दावा केला की, ते वरिष्ठ रामादास यांना त्यांचा मित्र म्हणून भेटले होते. महत्त्वाचं म्हणजे वरिष्ठ रामादास यांची भेट घेण्यापूर्वी अंबुमणी त्यांच्या वडिलांना भेटण्यासाठी गेले.
भाजपातील सूत्रांनी न्यूज १८ ला सांगितले की, ज्यावेळी शाह राज्यात होते तेव्हा वडील-मुलातील जोडी एकत्र होऊ शकत होती. गृहमंत्र्यांनी त्यावेळी म्हटले होते की, “मी तामिळनाडूतील माझ्या भाजपा कार्यकर्त्यांची माफी मागतो, कारण मी त्यांच्याशी भारतातील सर्वात मोठ्या भाषांपैकी एक असलेल्या तमिळ भाषेत संवाद साधू शकत नाही.”
भाजपाची बैठक झाल्यावर वरिष्ठ रामादास यांनी पत्रकारांना सांगितले की, त्यांच्या आणि त्यांच्या मुलामधील तडजोडीबद्दल त्यांना सकारात्मक बातम्या मिळण्याची अपेक्षा आहे. भाजपा सूत्रांचे असे म्हणणे आहे की, एक सहमती अशी झाली आहे, जिथे वडील पक्षाध्यक्ष होतील आणि मुलगा कार्यकारी अध्यक्ष होईल. “ते जितक्या लवकर हस्तांदोलन करतील तितके चांगले, कारण जून संपण्यापूर्वी भाजपा युतीवर शिक्कामोर्तब करेल”, असे भाजपाच्या एका सूत्राने सांगितले.
२०२१ च्या तामिळनाडू विधानसभा निवडणुकीत अखिल भारतीय अण्णा द्रविड मुन्नेत्र कळघम (एआयएडीएमके)च्या नेतृत्वाखालील आघाडीने भाजपा आणि पीएमके यांचा समावेश करून एकूण २३४ मतदारसंघांपैकी ७५ जागा जिंकल्या. एआयएडीएमकेने ६६ जागा जिंकल्या, भाजपाने चार जागा जिंकल्या आणि पीएमकेने पाच जागा जिंकल्या होत्या
