पुणे : लोकसभेच्या गेल्या दोन निवडणुकीत विजय मिळवलेला भारतीय जनता पक्ष पुण्यात तिसऱ्यांदा विजय मिळवून हॅटट्रिक करेल का, अशी चर्चा पुण्यातील राजकीय वर्तुळात आता रंगू लागली आहे. १९५१ पासून आजवर झालेल्या लोकसभेच्या १७ निवडणुकांमध्ये पुणेकरांनी विविध राजकीय विचारांना पसंती दिल्याचे दिसून येते. या निवडणुकांत सर्वाधिक म्हणजे ९ वेळा काँग्रेसचा उमेदवार विजयी झाला आहे. मात्र पुण्याने प्रजा समाजवादी पक्ष, संयुक्त समाजवादी पक्ष, जनता दल या पक्षांनाही निवडून दिले आहे. काँग्रेसचा देशात दबदबा असतानाच्या काळातही भाजपच्या अण्णा जोशी यांनी १९९१च्या निवडणुकीत पुण्यातून विजय मिळवला होता.

सलग तीनवेळा खासदार होण्याचा मान मात्र विठ्ठलराव गाडगीळ यांच्या कडे जातो. १९८०, ८४ आणि ८९ या तीनवेळच्या निवडणुकीत त्यांना विजय मिळाला. काँग्रेसचेच सुरेश कलमाडी यांनी २००४ आणि २००९च्या निवडणुकीत सलग विजय संपादन केला होता. त्यापूर्वी १९७१च्या निवडणुकीत मोहन धारिया यांना काँग्रेसच्या तिकिटावर विजय मिळवला. आणीबाणीला विरोध करणाऱ्या त्यावेळच्या तरुण तुर्कांच्या तुकडीत समावेश असलेल्या धारिया यांनी १९७७ मध्ये जनता दलाच्या तिकिटावर विजय संपादन केला.

वाई, कराड उत्तरेत कामाला लागा – उपमुख्यमंत्री अजित पवार; साताऱ्यात पदाधिकाऱ्यांना सूचना
fadanvis
शिवसेना, राष्ट्रवादीच्या नेत्यांविरोधात तक्रारी, भाजपच्या बैठकीत लोकसभा निकालावर मंथन; जागावाटप लवकर करण्याची मागणी
Anger about allies in BJP meeting  Complaints of Shiv Sena  NCP not working in Lok Sabha Mumbai
भाजपच्या बैठकीत मित्रपक्षांविषयी नाराजी; शिवसेना, राष्ट्रवादीने लोकसभेत काम न केल्याच्या तक्रारी
home minister amit shah pune marathi news
अपयशाचा शिक्का पुण्यातून पुसून काढण्याचा भाजपचा चंग
Ajit pawar, NCP, assembly election 2024, survey, 288 constituencies
२८८ मतदारसंघांचे सर्वेक्षण केल्यानंतरच जागांवर दावा, उपमुख्यमंत्री अजित पवार यांचे विधान
aap mp swati maliwal oath in rajya sabha uproar in parliament session rahul gandhi speech In lok sabha
चांदनी चौकातून : मालीवालांचं काय होणार?
anil parab slams maharashtra government for not transfering dditional bmc commissioner sudhakar shinde
विरोधकांकडून आरोपांची राळसत्ताधाऱ्यांना पैसे गोळा करून देण्यासाठीच सुधाकर शिंदे पदावर- अनिल परब
Narendra modi rahul gandhi lok sabha
राहुल गांधींच्या घणाघाती भाषणादरम्यान पंतप्रधान मोदींची एका वाक्यात प्रतिक्रिया, विरोधकांकडून ‘वाह, वाह’ म्हणत चिमटा

हेही वाचा : अपहरण प्रकरणातील दोषी निवडणुकीच्या रिंगणात? कृपाशंकर सिंह यांच्याविरोधात ठोकला शड्डू

पहिल्याच निवडणुकीत विजयी झालेल्या न. वि. तथा काकासाहेब गाडगीळ यांनी दुसऱ्याच निवडणुकीत (१९५७) प्रजा समाजवादी पक्षाच्या ना. ग. तथा नानासाहेब गोरे यांच्याकडून पराभव स्वीकारावा लागला. तर याच गोरे यांना १९८०च्या निवडणुकीत काकासहेबांचे चिरंजीव बॅ. विठ्ठलराव गाडगीळ यांच्याकडून हार पत्करावी लागली. विठ्ठलराव गाडगीळांनी त्यानंतरच्या सलग दोन (१९८४, १९८९) निवडणुकांत विजय मिळवला. मात्र त्यानंतरच्या १९९१च्या निवडणुकीत भाजपच्या अण्णा जोशी यांना पुणेकरांनी निवडून दिले. याचवेळी भाजपचा पुण्यातून राष्ट्रीय प्रवेश झाला. तो नंतर १९९९च्या निवडणुकीत प्रदीप रावत यांच्या विजयाने पुन्हा अधोरेखित झाला. मात्र पुढच्याच निवडणुकीत त्यांना हार पत्करावी लागली. त्यानंतर २०१४ आणि २०१९ या दोन्ही निवडणुकांत भाजपचे अनिल शइरोळे आणि गिरीश बापट यांना पुणेकरांनी निवडून दिले.

हेही वाचा : नगरमध्ये आरक्षणावर नामांतराची मात्रा

२०१४च्या निवडणुकीत भाजपच्या अनिल शिरोळे यांना ५,६९,८२५ तर काँग्रेसच्या विश्वजीत कदम यांना २, ५४,०५६ मते मिळाली होती. २०१९च्या निवडणुकीत भाजपच्या मतांमध्ये वाढ होऊन गिरीश बापट यांना ६,३२,८३५ मते मिळाली, तर काँग्रेसच्या मोहन जोशी यांना ३, ०८,२०७ मते मिळाली होती. मतांचा हा वाढता आलेख येत्या निवडणुकीतही असाच राहील किंवा नाही, याबद्दल आता कुतूहल निर्माण झाले आहे.

हेही वाचा : भाजपकडून लोकसभेसाठी पाच महिलांना उमेदवारी, पूनम महाजन यांच्यावर टांगती तलवार

यंदा होणाऱ्या निवडणुकीत भाजप तिसऱ्यांदा निवडून येईल काय, या प्रश्नाचे उत्तर विरोधकांचा उमेदवार कोण असेल, यावर अवलंबून असेल. महाविकास आघाडीत पुण्याची जागा काँग्रेसकडे असल्याने त्या पक्षाकडे खंद्या उमेदवाराची वानवा आहे. त्या पक्षातून निवडणूक लढवू इच्छिणाऱ्यांना पुणेकर किती साथ देतात, यावर यंदाच्या निवडणुकीचे फलित अवलंबून असेल.