03 April 2020

News Flash

Pro Kabaddi Season 6 : घरच्या मैदानावर दबंग दिल्लीचा विजयी श्रीगणेशा

जयपूरकडून दिपक हुडाची एकाकी झुंज

दिल्लीकडून मिराज शेख चमकला

प्रो-कबड्डीच्या सहाव्या पर्वात आपल्या घरच्या मैदानावर पहिल्यांदाच सामने खेळणाऱ्या दबंग दिल्लीने दणक्यात सुरुवात केली आहे. पहिल्याच सामन्यात दिल्लीने गुणतालिकेत तळाशी असलेल्या जयपूर पिंक पँथर्सचा 48-35 ने पराभव केला. दबंग दिल्लीकडून मिराज शेखने चढाईत तब्बल 15 गुणांची कमाई केली.

अवश्य वाचा – अनुप कुमार प्रो-कबड्डीला रामराम करण्याच्या तयारीत?

सामन्याच्या पहिल्या मिनीटापासून दबंग दिल्लीने आपलं वर्चस्व कायम राखलं होतं. मिराज शेख, नवीन कुमार आणि चंद्रन रणजीत या त्रिकुटाने जयपूरच्या कमकुवत बचावाचा पुरेपूर फायदा उचलला. या तिन्ही खेळाडूंनी एकामागोमाग एक गुण घेण्याचं सत्र सुरुच ठेवल्यामुळे जयपूरचा संघ पहिल्या सत्रात पुरता बॅकफूटवर गेला. दिल्लीने मध्यांतरापर्यंत सामन्यात 29-10 अशी भक्कम आघाडी घेतली होती. दिल्लीकडून नवीन आणि चंद्रन रणजितने चढाईत प्रत्येकी 9-9 गुणांची कमाई केली.

दुसऱ्या सत्रात जयपूरच्या खेळाडूंना सामन्यात प्रतिकार करण्यास सुरुवात केली. दिपक निवास हुडाने जयपूरकडून आक्रमणाची धुरा सांभाळात दुसऱ्या सत्रात धडाकेबाज खेळ केला. दबंग दिल्लीच्या भक्कम बचावाला दिपकने खिंडार पाडत आपल्या संघाच्या आशा पल्लवित ठेवल्या. दिपकने सामन्यात तब्बल 20 गुणांची कमाई केली. त्याला अजिंक्य पवारनेही 6 गुण मिळवत चांगली साथ दिली. मात्र मोक्याच्या क्षणी बचावपटूंना आपल्या इतर खेळाडूंना साथ देता आली नसल्यामुळे दिल्लीने सामन्यात बाजी मारली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 30, 2018 9:37 pm

Web Title: pro kabaddi 2018 season 6 dabang delhi start their home campaign on winning note beat jaipur pink panthers
टॅग Pro Kabaddi 6
Next Stories
1 अनुप कुमार प्रो-कबड्डीला रामराम करण्याच्या तयारीत?
2 Pro Kabaddi Season 6 : पोस्टरबॉय राहुल चौधरी चमकला, अनोख्या विक्रमाची नोंद
3 Pro Kabaddi Season 6 : तेलगू टायटन्सची झुंज मोडून काढत बंगळुरु बुल्सची बाजी
Just Now!
X