बंगळुरु बुल्सविरुद्ध सामन्यात तेलगू टायटन्सला अटीतटीच्या सामन्यात पराभवाचा सामना करावा लागला. मात्र संघाचा महत्वाचा खेळाडू राहुल चौधरीने धडाकेबाज कामगिरी करत सर्वांना आपली दखल घेण्यास भाग पाडलं आहे. प्रो-कबड्डीच्या इतिहासात 800 गुणांची कमाई करणारा राहुल चौधरी पहिला खेळाडू ठरला आहे. बंगळुरुविरुद्ध सामन्यात हा विक्रम आपल्या नावावर करण्यासाठी राहुलला अवघ्या 3 गुणांची गरज होती. आतापर्यंत प्रो-कबड्डीच्या इतिहासात 90 सामन्यांमध्ये राहुल चौधरीच्या नावावर 797 गुण जमा होते. बंगळुरुविरुद्धच्या सामन्यात आठव्या मिनीटालाच राहुलने ही कामगिरी करुन दाखवली. प्रो-कबड्डीत सर्वाधीक गुण मिळवणारे कबड्डीपटू - राहुल चौधरी - तेलगू टायटन्स - 803 गुण प्रदीप नरवाल - पाटणा पायरेट्स - 778 गुण अजय ठाकूर - तामिळ थलायवाज - 688 गुण दिपक निवास हुडा - जयपूर पिंक पँथर्स - 680 गुण काशिलींग अडके - बंगळुरु बुल्स - 602 गुण अवश्य वाचा - Pro Kabaddi Season 6 : तेलगू टायटन्सची झुंज मोडून काढत बंगळुरु बुल्सची बाजी
