05 July 2020

News Flash

Pro Kabaddi Season 6 : घरच्या मैदानावर पुणेरी पलटण पराभूत

उत्तर प्रदेशचा अष्टपैलू खेळ

प्रो-कबड्डीच्या सहाव्या पर्वातील इंटर झोन चॅलेंज स्पर्धेत पुणेरी पलटणला घरच्या मैदानावर खेळताना पराभवाचा सामना करावा लागला आहे. उत्तर प्रदेश योद्धा संघाने पुणेरी पलटणवर 29-23 ने मात केली. पुण्याच्या बचावफळीने आजच्या सामन्यात पुरती निराशा केली. उत्तर प्रदेशच्या प्रशांत कुमार राय, श्रीकांत जाधव आणि रिशांक देवाडीगा यांनी चढाईत महत्वाचे गुण मिळवत पुण्याच्या बचावफळीला खिंडार पाडलं. पुण्याचा एकही खेळाडू उत्तर प्रदेशच्या चढाईपटूंवर ताबा मिळवू शकला नाही.

अवश्य वाचा – Pro Kabaddi Season 6 : हरयाणाच्या पराभवाची मालिका सुरुच, बंगळुरु बुल्सची बाजी

प्रशांत कुमार रायने चढाईत सर्वाधिक 8 गुणांची कमाई केली. पुणेरी पलटणकडून मोनू, नितीन तोमर यांनी काही चांगल्या गुणांची कमाई केली, मात्र यापैकी एकाही खेळाडूच्या कामगिरीत सातत्य नव्हतं. दुसरीकडे उत्तर प्रदेशच्या बचावपटूंनीही काही चांगल्या पकडी करत आपल्या संघाच्या विजयात मोलाचा हातभार लावला. शुक्रवारपासून प्रो-कबड्डीचे सामने पाटणा शहरात सुरु होतील.

अवश्य वाचा – Pro Kabaddi Season 6 : बंगळुरु बुल्सचे सामने पुण्याच्या मैदानात हलवले

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 24, 2018 10:33 pm

Web Title: pro kabaddi 2018 season 6 up yoddhas beat puneri paltan in their home ground
Next Stories
1 Pro Kabaddi Season 6 : हरयाणाच्या पराभवाची मालिका सुरुच, बंगळुरु बुल्सची बाजी
2 Pro Kabaddi Season 6 : बंगळुरु बुल्सचे सामने पुण्याच्या मैदानात हलवले
3 Pro Kabaddi Season 6 : तेलगू टायटन्सच्या राहुल चौधरीची घौडदौड सुरुच
Just Now!
X