पुणे विभागात करोना विषाणूचा प्रादुर्भाव झालेल्या रुग्णांची संख्या दिवसेंदिवस वाढतच आहे. ही संख्या आात १,०३१ वर पोहोचली आहे. यांपैकी १७२ कोरोनाबाधित रुग्ण बरे होऊन घरी गेले आहेत. तर ६५ रुग्णांचा मृत्यू झाला आहे, अशी माहिती विभागीय आयुक्त डॉ. दीपक म्हैसेकर यांनी दिली. डॉ. म्हैसेकर म्हणाले, करोनाच्या पार्श्वभूमीवर पुणे विभागात ४७ लाख ५१ हजार ८०२ घरांचे सर्वेक्षण पूर्ण करण्यात आले आहे. या माध्यमातून १ कोटी ८२ लाख ७१ हजार ८५७ व्यक्तींची तपासणी करण्यात आली आहे. तसेच पुणे जिल्हयात ९३६ बाधीत रुग्ण असून ५९ रुग्णांचा मृत्यू झाला आहे. सातारा जिल्हयात २१ बाधीत रुग्ण असून २ रुग्णांचा मृत्यू झाला आहे. सोलापूर जिल्हयात ३७ बाधीत रुग्ण असून ३ रुग्णांचा मृत्यू झाला आहे. सांगली जिल्हयात २७ बाधीत रुग्ण असून एका रुग्णाचा मृत्यू झाला आहे. कोल्हापूर जिल्हयात १० बाधीत रुग्ण असल्याचे त्यांनी सांगितले.
