पुणे शहरात आज दिवसभरात १५३ नवे करोनाबाधित आढळले आहेत. तर, चार रुग्णांचा मृत्यू झाला. पुण्यातील करोनाबाधितांची एकूण संख्या १ लाख ६४ हजार ७४२ वर पोहचली आहे. तर, आतापर्यंत एकूण ४ हजार ३८५ जणांचा मृत्यू झाला आहे. करोनावर उपचार घेणार्‍या २२२ रुग्णांची तब्येत बरी झाल्याने, त्या सर्वांना आज घरी सोडण्यात आले. त्यामुळे आज अखेर १ लाख ५६ हजार १४० रुग्ण करोनामुक्त झाले असल्याची माहिती पुणे महापालिकेच्या आरोग्य विभागा मार्फत देण्यात आली आहे. पिंपरी-चिंचवड शहरात आज दिवसभरात ९१ करोनाबाधित रुग्णांची नोंद झाली असून, उपचारादरम्यान दोघांचा मृत्यू झाला. तर ८१ जण करोनामुक्त झाले आहेत. पिंपरी-चिंचवड शहरातील एकूण बाधित रुग्णांची संख्या ८९ हजार ६०० वर पोहचली असून यापैकी, ८६ हजार ५२९ जण करोनातून बरे झाले आहेत. पिंपरी-चिंचवड महानगर पालिकेच्या रुग्णालयात उपचार घेत असलेल्या अॅक्टिव्ह रुग्णांची संख्या ५९९ असल्याची माहिती महानगर पालिकेच्या आरोग्य विभागाने दिली आहे.
