20 October 2020

News Flash

पिंपरी-चिंचवडला एक मेपासून दिवसाआड पाणीपुरवठा

पवना धरणामध्ये केवळ ३० टक्के पाणीसाठा उपलब्ध

पिंपरी-चिंचवडला पाणीपुरवठा करणाऱ्या पवना धरणामध्ये अत्यल्प पाणीसाठा असल्यामुळे येत्या एक मे पासून शहरात एक दिवसाआड पाणीपुरवठा करण्यात येणार असल्याची घोषणा महापालिका आयुक्त राजीव जाधव यांनी बुधवारी सर्वसाधारण सभेमध्ये केली. शहरामध्ये सध्या १५ टक्के पाणीकपात करण्यात येत असून, त्यामध्ये एक मे पासून आणखी दहा टक्के वाढ करून एकूण २५ टक्के पाणी कपात करण्यात येणार आहे.
गेल्यावर्षी संपूर्ण राज्यामध्ये सरासरीपेक्षा कमी पाऊस पडल्याने धरणांमध्ये कमी पाणीसाठा उपलब्ध आहे. पवना धरणामध्ये केवळ ३० टक्के पाणीसाठा उपलब्ध असल्यामुळे एक मे पासून शहरात २५ टक्के पाणीकपात करण्यात येणार आहे. त्यामुळे शहराचे दोन भाग निश्चित करण्यात येऊन त्यांना आलटून पालटून सम आणि विषम तारखेला पाणीपुरवठा करण्यात येईल, असे राजीव जाधव यांनी सांगितले. पाणीपुरवठ्याचे तपशीलवार वेळापत्रक लवकरच जाहीर करण्यात येणार आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on April 20, 2016 5:04 pm

Web Title: 25 percent water cut in pimpri chinchwad from 1 may
Next Stories
1 Maple Group:गिरीश बापट आणि पोलिसांच्या उपस्थितीत ‘मेपल’च्या संचालकांचे पलायन
2 ‘पाच लाखात घर’ प्रकरणी मॅपल ग्रुपची महेश झगडे यांच्यामार्फत चौकशी करावी – आमदार डॉ. नीलम गोऱ्हे
3 विद्यापीठ विभागांची झाकली मूठ..
Just Now!
X