पुण्याच्या सेनापती बापट मार्ग सोसायटीजवळ रविवारी पाच कुत्र्यांची पिल्लं मृतावस्थेत आढळून आली. त्यांना विष देऊन मारल्याचे शवविच्छेदन अहवालात स्पष्ट झाले आहे. या घटनेमुळे प्राणीमित्र संतापले आहेत. पोलिसांनी अज्ञातांविरोधात गुन्हा दाखल केला आहे. या कुत्र्याच्या पिल्लांना नक्की कोणी मारले याचा शोध घेण्यासाठी आता या विभागातील सीसीटीव्ही फुटेज तपासण्यात येत आहे. पुणे विद्यापीठ परिसरात हा प्रकार घडला आहे. रात्री उशिरा हा प्रकार उघडकीस आला. पुण्यातील एका समाजसेवी संस्थेने चतुश्रृंगी पोलीस ठाण्यात तक्रार दिली. या प्रकरणी पोलिसांनी अज्ञातांविरोधात गुन्हा दाखल झाला आहे. पोलीस तपास करत आहेत.
