मुंबई द्रुतगती मार्गावर खंडाळा घाटाजवळ शुक्रवारी सकाळी झालेल्या विचित्र अपघातात व्होल्वोसह तीन बस एकमेकांवर आदळून तिघे जखमी झाले. खंडाळा घाटात सकाळी साडेआठच्या सुमारास हा अपघात झाला. जखमींवर तातडीने उपचार करण्यात आले.एसटी महामंडळाच्या शिवनेरी व्होल्वोला मागून आणखी एका बसने धडक दिली. मात्र अपघाताचे नेमके कारण समजलेले नाही. या अपघातामुळे द्रुतगती मार्गावरील वाहतूक खोळंबली होती. त्यामुळे या मार्गावरील वाहतूक जुन्या पुणे-मुंबई मार्गाववरून वळविण्यात आली होती. वाहतूक पोलीसांनी तातडीने अपघातग्रस्त बाजूला करण्यासाठी प्रयत्न सुरू केले. त्यामुळे सकाळी साडेअकराच्या सुमारास वाहतूक हळूहळू सुरू झाली. दरम्यान, द्रुतगती मार्गावरील वाहतूक जुन्या मार्गावर वळविण्यात आल्यामुळे लोणावळा परिसरात वाहतुकीची मोठी कोंडी झाली आहे.
