News Flash

स.प. मैदानावर येत्या रविवारी रोटरीतर्फे ‘एअर शो’ चे आयोजन

रोटरी क्लब ऑफ पुणे हिलसाईडतर्फे स.प. महाविद्यालयाच्या मैदानावर इंधनरहित विमानांचा ‘एअर शो’ आयोजित करण्यात आला आहे.

| January 16, 2015 03:05 am

रोटरी क्लब ऑफ पुणे हिलसाईडतर्फे स.प. महाविद्यालयाच्या मैदानावर इंधनरहित विमानांचा ‘एअर शो’ आयोजित करण्यात आला आहे. येत्या राववारी (१८ जानेवारी) सकाळी ९ ते ११ या वेळात हा शो होणार आहे. रिमोट कंट्रोलवर चालणाऱ्या या विमानांची उड्डाणे अनुभवण्यासाठी पुण्यातील विविध शाळांच्या विद्यार्थ्यांना आमंत्रित करण्यात आले आहे.
क्लबचे अध्यक्ष अभय जबडे यांनी ही माहिती दिली. प्रसिद्ध विमान छांदिष्ट सदानंद काळे व त्यांचे देशभरातील विविध सहकारी हा एअर शो सादर करणार आहेत. भारतात जागोजागी सुरू असलेल्या स्वच्छता अभियानाला पाठिंबा देण्यासाठी तो होणार आहे. पॅरामोटरिंगचे प्रात्यक्षिक , हैदराबादचा ‘रोबो बर्ड’ हा विमानाचा प्रकार अशी कार्यक्रमाची प्रमुख आकर्षण असणार आहेत. इंधनरहित एअर शोच्या माध्यमातून विद्यार्थ्यांना स्वच्छतेचे महत्त्व अधिक सोप्या पद्धतीने समजेल. कार्यक्रमाच्या मध्यंतरात अभिनेते राहुल सोलापुरकर विद्यार्थ्यांना ‘स्वच्छतेची शपथ’ देणार आहेत, असे प्रशांत शहा यांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 16, 2015 3:05 am

Web Title: air show at s p college by rotary club of pune hillside
Next Stories
1 छेडछाड व पोलिसांच्या हलगर्जीपणा मुलीच्या जिवावर!
2 सर्वसामान्यांसाठी करवाढ नको, थकबाकी प्रभावीरीत्या वसूल करा
3 आकुर्डीतील बजाज ऑटो कंपनीत आग
Just Now!
X