21 September 2020

News Flash

भाऊसाहेब भोईर काँग्रेसमध्येच; अमर मूलचंदानी यांचा भाजप प्रवेश

काँग्रेसचे माजी शहराध्यक्ष भाऊसाहेब भोईर यांनी आपण अजूनही पक्षातच असल्याचे सांगत काँग्रेस उमेदवारांना निवडून देण्याचे आवाहन केले.

| October 13, 2014 03:15 am

प्रचारातील शेवटचा रविवार असल्याचे औचित्य साधून सर्वच उमेदवारांनी वेगवेगळ्या माध्यमातून मतदारांशी संपर्क साधला. भाजप उमेदवारांसाठी नवज्योतसिंह सिद्धू यांची रॅली काढण्यात आली. तर, शिवसेनेच्या उमेदवारांसाठी डॉ. अमोल कोल्हे यांनी जाहीर सभा घेतली. काँग्रेसचे माजी शहराध्यक्ष भाऊसाहेब भोईर यांनी आपण अजूनही पक्षातच असल्याचे सांगत काँग्रेस उमेदवारांना निवडून देण्याचे आवाहन केले. तर, काँग्रेस नेते व माजी उपमहापौर अमर मूलचंदानी यांनी भाजपमध्ये प्रवेश केला.
भाजप उमेदवार लक्ष्मण जगताप व एकनाथ पवार यांच्या रॅलीत सहभागी होण्यासाठी सिध्दू शहरात आले होते. चिंचवड व भोसरीतील मतदारांशी त्यांनी रॅलीद्वारे संपर्क  साधला. शिवसेनेचे चिंचवडचे उमेदवार राहुल कलाटे यांच्या प्रचारार्थ डॉ. कोल्हेंची सभा झाली. खासदार श्रीरंग बारणे, उपजिल्हाप्रमुख भगवान वाल्हेकर आदी  उपस्थित होते. भोईरांनी समर्थकांची बैठक घेऊन आपण काँग्रेस पक्षातच असल्याचे जाहीर केले. मूलचंदानी यांनी गुजरातचे कायदामंत्री प्रदीपसिंह जडेजा व शहराध्यक्ष सदाशिव खाडे यांच्या उपस्थितीत भाजपमध्ये प्रवेश केला. मूलचंदानी हर्षवर्धन पाटील यांचे समर्थक असून सेवाविकास बँकेचे अध्यक्ष आहेत. त्यांच्या पक्षांतरामुळे पिंपरीतील राजकीय समीकरणे बदलणार आहेत. आमदार विलास लांडे यांनी पदयात्रांद्वारे, तर आमदार अण्णा बनसोडे यांनी रॅलीद्वारे संपर्क साधला. भोसरी ग्रामस्थांच्या बैठकीत महेश लांडगे यांना पािठबा दिला. पिंपरीतील शिवसेनेचे उमेदवार गौतम चाबुकस्वार यांच्यासाठी खासदार बारणे यांच्या उपस्थितीत आकुर्डी येथे सभा झाली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on October 13, 2014 3:15 am

Web Title: amar mulchandani joins bjp
Next Stories
1 शनिवार पेठेत भेटवस्तूचे वाटप करताना काँग्रेसच्या दोन कार्यकर्त्यांना पकडले
2 पुण्याची ‘स्मार्ट शहर’ होण्याची क्षमता- पियुष गोयल
3 मोदींनी भाजप ‘हायजॅक’ केला – अजित पवार
Just Now!
X