News Flash

पुण्यातील अमनोरा सिटी कॉर्पोरेशन कंपनीला कर्मचाऱ्याने घातला लाखो रुपयांचा गंडा

कंपनीची ४० ते ५० लाख रुपयांची फसवणूक

(संग्रहीत छायाचित्र)

पुण्यातील बांधकाम क्षेत्रातील प्रसिद्ध असलेल्या अमनोरा सिटी कॉर्पोरेशन कंपनीला एका कर्मचाऱ्याने लाखो रुपयांचा गंडा घातल्याचं समोर आलं आहे. या प्रकरणी पुण्यातील हडपसर पोलीस ठाण्यात गुन्हा दाखल केला असून पोलीस अधिक तपास करत आहेत.

अमनोरा सिटी कॉर्पोरेशन कंपनीमध्ये आरोपी आशिष शेळके हा २०१० पासून कामाला होता. आरोपी आशिष कंपनीला मिळणार्‍या कमिशनची रक्कम कंपनीच्या खात्यावर जमा करत नव्हता. मात्र गेल्या दहा वर्षात हा प्रकाराची कुणालाही कुणकुण लागली नाही. मॅनेजर अतुल गोगावले यांच्या नावाने बनावट सही करून त्याने विविध बॅंकेत खाती उघडली होती. त्याचा कमिशन कोड देखील तयार केला होता. त्यामधून तो सतत पैसे काढत राहीला. हा सर्व प्रकार समोर येताच आरोपी आशिष शेळके विरोधात सुनील तरटे यांनी पोलिसात तक्रार दिली. त्यानंतर पोलिसांनी गुन्हा दाखल केला आहे आणि आरोपीचा शोध सुरु केला आहे. या सध्यात तरी ४० ते ५० लाखांची आर्थिक फसवणूक झाल्याचे दिसून येत आहे.

पिंपरीत सहा कोटींचं रक्तचंदन पकडलं; WhatsApp मुळे बिंग फुटलं !

आरोपी आशिष शेळके हा फरार असून त्याच्या शोधासाठी टीम रवाना करण्यात आली आहे, अशी माहिती हडपसर पोलीस स्टेशनचे उपनिरीक्षक आर. आर. पाटील यांनी दिली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 17, 2021 7:57 pm

Web Title: an employee of amanora city corporation in pune cheated company rmt 83 svk 88
Next Stories
1 पिंपरीत सहा कोटींचं रक्तचंदन पकडलं; WhatsApp मुळे बिंग फुटलं !
2 पुणे शहराचा पाणीपुरवठा गुरूवारी बंद राहणार!
3 पुणे : पेट्रोल-डिझेल दरवाढीच्या निषेधार्थ राष्ट्रवादी काँग्रेसचं आंदोलन!
Just Now!
X