20 September 2020

News Flash

बनावट ऑनलाइन भाडेकरारांच्या प्रकारांमध्ये वाढ

घर भाडय़ाने घेण्याकडे नागरिकांचा कल वाढला आहे.

संग्रहित छायाचित्र

करोनामुळे शासनाने ऑनलाइन भाडेकराराची सेवा सर्वासाठी खुली केली आहे. मात्र, त्यामुळे मुद्रांक शुल्क बुडवून बनावट भाडेकरार करणाऱ्यांची संख्या पुणे, मुंबई, नाशिक, नगर आणि औरंगाबाद यांसारख्या महत्त्वाच्या शहरांत मोठय़ा प्रमाणात वाढली आहे. या भाडेकरारांना आळा घालण्यासाठी पुन्हा शासन नियुक्त प्रमाणित सेवा पुरवठादारांनाच (एएसपी) ऑनलाइन भाडेकरार करण्याची परवानगी देण्यात यावी, खुले संकेतस्थळ बंद करावे, अशा मागण्या असोसिएशन ऑफ रिअल इस्टेट एजंट्स संघटनेने केल्या आहेत.

करोनामुळे टाळेबंदी लागू करण्यात आल्याने सदनिका खरेदी-विक्री ठप्प झाली. परिणामी घर भाडय़ाने घेण्याकडे नागरिकांचा कल वाढला आहे. त्यामुळे शासनाने भाडेकराराची सेवा सर्वासाठी खुली केली. त्यातून शासनाचा महसूल वाढण्याऐवजी मुद्रांक शुल्क बुडवून बनावट भाडेकरार करणाऱ्यांची संख्या मोठय़ा प्रमाणात वाढली आहे. या भाडेकरारांना आळा घालण्यासाठी पुन्हा शासन नियुक्त प्रमाणित सेवा पुरवठादारांनाच (एएसपी) ऑनलाइन भाडेकरार करण्याची परवानगी देण्यात यावी, खुले संकेतस्थळ बंद करावे, अशी मागणी असल्याचे असोसिएशन ऑफ रिअल इस्टेट एजंट्सचे अध्यक्ष सचिन शिंगवी यांनी सांगितले. याबाबत नोंदणी महानिरीक्षक ओमप्रकाश देशमुख यांच्यासह मुख्यमंत्री उद्धव ठाकरे, उपमुख्यमंत्री अजित पवार आणि महसूलमंत्री बाळासाहेब थोरात यांना पत्र पाठवण्यात आले आहे.

दरम्यान, २०१८-१९ मध्ये शासन नियुक्त प्रमाणित सेवा पुरवठादारांच्या (एएसपी) नियुक्त्या करताना अतिशय कठोर नियम आणि पडताळणी करून शैक्षणिक पात्रता तपासून हमीपत्रासह २५ हजार रुपये अनामत रक्कम घेण्यात आली होती. संकेतस्थळावर युजर आयडी आणि पासवर्डच्या साहाय्याने संबंधितांना अधिकृत भाडेकरार नोंदवण्याची परवानगी देण्यात आली होती. त्यानुसार आताही कार्यवाही करण्याची मागणी असल्याचे शिंगवी यांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 7, 2020 12:05 am

Web Title: an increase in the types of fake online leases abn 97
Next Stories
1 पुण्यात एका दिवसात २७ करोना रुग्णांचा मृत्यू, पिंपरीत २४ मृत्यू
2 आदित्य बिर्ला रुग्णालयात रुग्ण सेवकांना मिळते निकृष्ट दर्जाचे जेवण, कर्मचाऱ्यांचा गंभीर आरोप
3 पिंपरीतल्या कोविड रुग्णांसाठी शरद पवारांनी पाठवली रेमडेसिवीरची इंजेक्शन्स
Just Now!
X