चिंचवड येथील रावण सेना टोळीचा प्रमुख अनिकेत जाधवच्या हत्येप्रकरणी अटकेत असलेल्या सोन्या काळभोरवर येरवडा कारागृहात हल्ला करण्यात आला. अनिकेतच्या नातेवाईकानी हा हल्ला केल्याचे सांगण्यात येते. पोलिसांनी दिलेल्या माहितीनुसार, आज (शनिवारी) सर्व कैद्यांना कारागृहातील आवारात सोडण्यात आले होते. त्या दरम्यान सोन्या काळभोर अनिकेत जाधवच्या नातेवाईकासमोर येताच त्यातील एकाने हातातील पाण्याची बाटली सोन्याच्या अंगावर फेकली. यामध्ये सोन्या जखमी झाला असून या प्रकरणी येरवडा पोलीस ठाण्यात गुन्हा दाखल करण्यात आला आहे. घटनेचा अधिक तपास करण्यात येत आहे.
