News Flash

पुण्यात पु. ल. देशपांडे यांच्या निवासस्थानी चोरीचा प्रयत्न

चार वर्षांपूर्वी देखील पु. ल. देशपांडे यांच्या घरात चोरीचा प्रयत्न झाला होता.

PUNE: भांडारकर रस्त्यावरील मालती माधव इमारतीत पु. ल. देशपांडे यांचा पहिल्या मजल्यावर फ्लॅट आहे. मंगळवारी पहाटे दोनच्या सुमारास ७ ते ८ चोरट्यांनी फ्लॅटचा कडीकोयंडा उचकटून आत प्रवेश केला.

पुण्यातील भांडारकर रस्त्यावरील मालती माधव इमारतीतील लेखक पु. ल. देशपांडे यांच्या घरात चोरीचा प्रयत्न झाला. घरात हस्तलिखिते आणि पुस्तके सोडून काहीच नसल्याने चोरट्यांना रिकाम्या हातीच परतावे लागले. विशेष म्हणजे चार वर्षांपूर्वी देखील पु. ल. देशपांडे यांच्या घरात चोरीचा प्रयत्न झाला होता.

भांडारकर रस्त्यावरील मालती माधव इमारतीच्या पहिल्या मजल्यावर पु. ल. देशपांडे यांचे घर आहे. मंगळवारी पहाटे दोनच्या सुमारास ७ ते ८ चोरट्यांनी कडीकोयंडा उचकटून पु. ल. देशपांडेंच्या घरात प्रवेश केला. त्यांनी घरातील सर्व सामानांची उलथापालथ केली. पण घरात किमती ऐवज नव्हता. पुलंनी लिहिलेली काही हस्तलिखिते व पुस्तकेच फ्लॅटमध्ये होती. त्यामुळे चोरट्यांच्या हाती काहीच लागले नाही. या इमारतीतील या फ्लॅटशिवाय आणखी तीन फ्लॅटही फोडण्यात आले.

सध्यातरी घरातून काय चोरीला गेलंय याबाबत सांगता येणार नसल्याचे पुलंचे भाचे दिनेश ठाकूर यांनी ‘लोकसत्ता ऑनलाईन’शी बोलताना सांगितले. चोरट्यांनी सीसीटीव्ही कॅमेऱ्यांची दिशा बदलल्याचेही दिसून आले. शेजारील फ्लॅटमधील किती ऐवज चोरीला गेला याचा डेक्कन पोलीस शोध घेत आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 19, 2017 2:09 pm

Web Title: attempt to theft on famous writer p l deshpande house in pune
Next Stories
1 चाकण येथे डोक्यात दगड घालून युवकाची हत्या
2 तरूणावरील हल्ल्याप्रकरणी सांगवी पोलिसांची तिघांना अटक
3 पुण्यातील राष्ट्रवादीचे नगरसेवक बाबुराव चांदेरे यांच्या घरावर आयकर विभागाचा छापा
Just Now!
X