News Flash

पुणे : लक्ष्मीबाई दगडूशेठ दत्तमंदिरात होळीनिमित्त १०० किलो द्राक्षांची आकर्षक आरास

द्राक्षांचा प्रसाद मंदिरात येणा-या भाविकांना तसेच सामाजिक संस्थांना देण्यात येणार आहे

पुण्यातील बुधवार पेठेतील कै.श्रीमती लक्ष्मीबाई दगडूशेठ हलवाई दत्तमंदिर ट्रस्टतर्फे होळी पौर्णिमेनिमित्त श्री दत्त मंदिरात १०० किलो द्राक्षांची आकर्षक आरास करण्यात आली. द्राक्षांचे घड, विविध प्रकारची पाने व फुलांचा वापर करुन ही सजावट साकारण्यात आली होती.

पंढरपूर येथील व्यावसायिक प्रकाश कुलकर्णी यांच्यातर्फे ही आरास करण्यात आली. सुभाष सरपाले यांनी सजावट केली होती. होळी पौर्णिमेनिमित्त साकारलेली आरास सोमवार, दिनांक २९ मार्चपर्यंत असणार आहे. तर, होळीनिमित्त ट्रस्टचे कार्यकारी विश्वस्त डॉ.पराग काळकर यांच्या हस्ते दत्तयाग होणार आहे.

ट्रस्टचे अध्यक्ष सुनील रुकारी यांनी सांगितले, की होळी पौर्णिमेनिमित्त दत्तमहाराजांना हा महानैवेद्य अर्पण करण्यात आला. कार्निशन, ऑर्चिड, अ‍ँन्थोरियम, जिप्सो यांसह हिरव्या पानांचा देखील आरास करण्याकरीता वापर करण्यात आला. द्राक्षांचा प्रसाद मंदिरात येणा-या भाविकांना तसेच सामाजिक संस्थांना देण्यात येणार आहे, असेही त्यांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 27, 2021 7:43 pm

Web Title: attractive decoration of 100 kg of grapes on the occasion of holi at lakshmibai dagdusheth datta mandir msr 87 svk 88
Next Stories
1 “आधी करोनानं अन् आता आगीनं मारलं”; फॅशन स्ट्रीटवरील दुकानदारांच्या उमेदीचीही झाली राख
2 पुणे: करोनाच्या पार्श्वभूमीवर संकष्टी चतुर्थीला दगडूशेठ मंदिर उघडं राहणार का? ट्रस्टने केली महत्त्वाची घोषणा
3 दुर्दैव! पुण्याच्या फॅशन स्ट्रीटची भीषण आग विझवली, पण घरी जाताना रस्त्यातच मृत्यूनं गाठलं!
Just Now!
X