25 January 2021

News Flash

आरटीई प्रवेशांसाठी ३१ ऑगस्टची मुदत

सोडतीमध्ये प्रवेश जाहीर झालेल्या विद्यार्थ्यांना ३१ ऑगस्टपर्यंत प्रवेश निश्चित करावा लागणार आहे

प्रयोगशाळांची गरज असलेले तांत्रिक आणि व्यावसायिक पदव्युत्तर अभ्यासक्रम आणि संशोधन (पीएचडी) संस्थांनाही मुभा देण्यात येईल. या शैक्षणिक घडामोडी सुरू करण्यासाठी स्वतंत्र आरोग्य सूचना प्रसिद्ध केल्या जातील. (संग्रहित छायाचित्र)

शिक्षण हक्क कायद्यानुसार (आरटीई) आर्थिकदृष्टय़ा दुर्बल घटकांतील विद्यार्थ्यांसाठी २५ टक्के  राखीव जागांवरील प्रवेशांसाठी ३१ ऑगस्टची मुदत देण्यात आली आहे. प्रवेशासाठीच्या सोडतीमध्ये प्रवेश जाहीर झालेल्या विद्यार्थ्यांनी ३१ ऑगस्टपर्यंत प्रवेश न घेतल्यास त्यांना प्रवेशाची संधी दिली जाणार नसल्याचे प्राथमिक शिक्षण संचालनालयाने स्पष्ट केले आहे.

प्रवेश प्रक्रिया ऑनलाइन पद्धतीने राबवण्यात येत आहे. १७ मार्चला काढण्यात आलेल्या सोडतीमध्ये प्रवेश जाहीर झालेल्या विद्यार्थ्यांना ३१ ऑगस्टपर्यंत प्रवेश निश्चित करावा लागणार आहे. त्यानंतर प्रतीक्षा यादीतील विद्यार्थ्यांना प्रवेशासाठी प्राधान्य दिले जाणार आहे. प्रवेश जाहीर झालेल्या विद्यार्थ्यांच्या पालकांनी मूळ कागदपत्रे, छायांकित प्रति घेऊन संबंधित शाळेत ३१ ऑगस्टपूर्वी जाऊन प्रवेश निश्चित करावा. पालकांना शाळेत जाऊन प्रवेश निश्चित करणे शक्य नसल्यास ई-मेलद्वारे, कागदपत्रे शाळेस पाठवून किंवा दूरध्वनीद्वारे शाळेतील मुख्याध्यापकांशी संपर्क साधून पालकांनी प्रवेश निश्चित करावा.  आरटीई संकेतस्थळावरून मिळालेल्या यादीनुसार प्रवेशासाठी न आलेल्या विद्यार्थ्यांच्या पालकांना संपर्क साधून शाळांनी प्रवेशाची कार्यवाही मुदतीत पूर्ण करण्याची सूचना प्राथमिक शिक्षण संचालनालयाचे संचालक दत्तात्रय जगताप यांनी दिली.

प्रवेशासाठी राज्यातील ९ हजार ३३१ शाळांमध्ये यंदा १ लाख १५ हजार ४५५ जागा उपलब्ध आहेत. त्यासाठी अर्ज के लेल्या २ लाख ९१ हजार ३६८ विद्यार्थ्यांपैकी १ लाख ९२६ विद्यार्थ्यांना सोडतीद्वारे प्रवेश जाहीर झाले आहेत. त्यातील ५० हजार ९६७ विद्यार्थ्यांना तात्पुरत्या स्वरुपात प्रवेश देण्यात आले आहेत. तर ३८ हजार ७७८ विद्यार्थ्यांचे प्रवेश निश्चित झाले आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on August 25, 2020 12:01 am

Web Title: august 31 is the deadline for rte admissions abn 97
Next Stories
1 शिक्षक भरतीसाठीचे प्राधान्यक्रम नोंदवण्यासाठी ३१ ऑगस्टची मुदत
2 कोकणासह विदर्भात पावसाची शक्यता
3 चिंताजनक! पुण्यात दिवसभरात ४५ रुग्णांचा मृत्यू, नव्याने आढळले ११०१ रुग्ण
Just Now!
X