30 September 2020

News Flash

लोणावळ्यातील ‘वॅक्स म्युझियम’मध्ये बाबा रामदेव यांचा पुतळा!

लोणावळ्यानजिकच्या वरसोली गावातील ‘सुनील सेलिब्रेटी वॅक्स म्युझियम’मध्ये रामदेव बाबा यांचा मेणाचा पुतळा उभारण्यात आला आहे. शुक्रवारी रामदेव बाबा यांच्याच हस्ते या पुतळ्याचे अनावरण करण्यात आले.

लोणावळ्यानजिकच्या वरसोली गावातील ‘सुनील सेलिब्रेटी वॅक्स म्युझियम’मध्ये रामदेव बाबा यांचा मेणाचा पुतळा उभारण्यात आला आहे. शुक्रवारी रामदेव बाबा यांच्याच हस्ते या पुतळ्याचे अनावरण करण्यात आले.
संग्रहालयाचे प्रमुख सुनील कंडलूर, शिवसेना पुणे जिल्हा प्रमुख मिच्छद्र खराडे, सुभाष कंडलूर या वेळी उपस्थित होते. रामदेव बाबा म्हणाले, ‘देशात कलेचा सन्मान व्हायला हवा. पंतप्रधान नरेंद्र मोदी ‘स्किल इंडिया’ विषयी बोलत आहेत. लोणावळ्यातील व्ॉक्स म्युझियम हे त्याच संकल्पनेचे उदाहरण आहे. या कलेला प्रतिष्ठा मिळण्यासाठी महाराष्ट्रानंतर दिल्लीतही वॅक्स म्युझियम उभारण्यात यायला हवे.’
‘राजकारणात येण्याच्या अनेक संधी आल्या, मात्र मी राजकारणात न येण्याची भीष्मप्रतिज्ञा केली आहे. असे असले तरी निष्कलंक व चारित्र्यसंपन्न लोकांना राजकारणात आणण्यासाठी निश्चित प्रयत्न करणार आहे,’ असे प्रतिपादनही त्यांनी केले. ते म्हणाले, ‘देशात विवेकशील व विचारवंत लोकांच्या कमतरतेमुळे सर्वत्र वैचारिक व राजकीय असंतोषाचे वातावरण आहे. देशात धार्मिक असंतोष नाही.’
‘पतंजलीचा एक रुपयाही मी घेणार नाही!
 ‘पतंजली संस्था ही शंभर टक्के ‘चॅरिटी’ आहे. संस्थेचा सर्व नफा सामाजिक कार्यासाठी असून एकही रुपया वा जागा मी घेणार नाही,’ असे रामदेव बाबा यांनी सांगितले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 16, 2016 3:10 am

Web Title: baba ramdev statue in lonavala wax museum
टॅग Lonavala,Statue
Next Stories
1 चोरीच्या संशयावरून पेट्रोल ओतून पेटवलेल्या कचरावेचक मुलाचा मृत्यू
2 बंदिजनांचे आयुष्य बदलण्यासाठी ‘प्रेरणापथ’
3 सव्वाचार लाखांहून अधिक पुणेकर वीजबिल भरण्यासाठी ‘ऑनलाइन’
Just Now!
X