News Flash

‘मी भोसरीचा दादा आहे, माझं नाव..’, म्हणत धमाकावणाऱ्याला पोलिसांकडून; लाखो रुपयांचं सोनं जप्त

पुणे आणि पिंपरी-चिंचवडमध्ये घरफोड्या करणाऱ्या अट्टल गुन्हेगारास बेड्या

पिंपरी-चिंचवड आणि पुणे शहर आणि ग्रामीण परिसरात घरफोड्या करणाऱ्या चार जणांना भोसरी पोलिसांनी बेड्या ठोकल्या आहेत. त्यांच्याकडून एकूण १० लाख ३९ हजारांचा मुद्देमाल हस्तगत केला आहे. यात, २० तोळे सोन्याचे आणि २० तोळे चांदीच्या दागिन्यांचा समावेश आहे. या दोन्ही वेगवेगळ्या कारवाई असून किरण गुरुनाथ राठोड, भगतसिंग भादा तर दुसऱ्या कारवाईत जयंत गायकवाड उर्फ जयड्या आणि सचिन पवार अशी अटक करण्यात आलेल्या आरोपींची नावे आहेत.

पोलिसांनी दिलेल्या माहितीनुसार, आरोपी किरण राठोड आणि भगतसिंग भादा यांनी दिघी परिसरात दहशत पसरवत चिकनच्या दुकानात बळजबरी करत दुकान मालकाच्या गळ्याला कोयता लावून गल्ल्यातील पैसे घेऊन, ‘मी भोसरीचा दादा आहे माझं नाव किरण राठोड आहे मला कोणी नाडायच नाही,’ असं रोडवर मोठमोठ्याने ओरडून दहशत पसरवली होती. याप्रकरणी भोसरी पोलीस ठाण्यात गुन्हा दाखल करण्यात आला होता. त्यानुसार भोसरी पोलीस आरोपींचा शोध घेत होते. दरम्यान, आरोपी हे कर्नाटकला पळून जाणार असल्याची माहिती पोलिसांना मिळाली त्यानुसार सहाय्यक पोलीस निरीक्षक सिद्धेश्वर कैलासे यांच्या पथकातील गणेश सावंत आणि समीर रासकर यांनी डोंगराळ भागातून सापळा रचून आरोपींना बेड्या ठोकण्यात आल्या. त्याच्याकडून आठ तोळे सोन्याचे दागिने आणि रोख रक्कम हस्तगत करण्यात आली.

तर, दुसऱ्या कारवाईमध्ये पोलीस उपनिरीक्षक महेंद्र गाढवे यांच्या मार्गदर्शनाखाली विधाते आणि गोपी यांच्या पथकाने घरफोडीमधील अट्टल गुन्हेगार जयड्याला बेड्या ठोकल्या आहेत. त्याने आत्तापर्यंत ८७ घरफोड्या केल्या असून सोने आणि चांदीचा सहा लाखांचा मुद्देमाल हस्तगत करण्यात आला आहे. जयड्या हा घरफोडी करून पसार होत असताना सीसीटीव्हीत कैद झाल्याने तो स्वतः पोलीस ठाण्यात हजर झाला होता. तो सचिन पवारच्या साथीने घरफोड्या करायचा. वरिष्ठ पोलीस निरीक्षक शंकर अवताडे आणि जितेंद्र कदम यांच्या मार्गदर्शनाखाली ही कारवाई करण्यात आली आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 19, 2021 5:48 pm

Web Title: bhosari police arrested 4 in house burglary case kjp 91 scsg 91
Next Stories
1 “४० वर्ष सेवा करतोय हे आमच्या कुटुंबाचं चुकलं का?,” पुण्यात भाजपा नगरसेवकाचे होर्डिंग ठरतोय चर्चेचा विषय
2 सावित्रीबाई फुले आणि ज्योतिराव फुले यांना भारतरत्न देण्याचा ठराव पुणे महानगरपालिकेकडून मंजूर
3 मराठवाडा, विदर्भात गारपिटीचा इशारा
Just Now!
X