23 September 2020

News Flash

अंडरवेअर बनियान मध्ये चालक वाहकांचा जीव अडकलेला असतो-परिवहन मंत्री

मी ग्रामीण भागात खूप काम केलं आहे असंही रावते यांनी म्हटलं आहे

सोयी सुविधा करताना कामगारांविषयीचा विचार केलेला असतो, असं म्हणत रावते म्हणाले की, चालक किंवा वाहक आल्यानंतर झोपायची व्यवस्था आणि अंडरवेअर बनियान धुतल्यानंतर कॉटजवळ ते वाळत घालण्यासाठी रॉड असला पाहिजे. चालक वाहकांचा जीव त्यात अडकलेला असतो. कोण कुठे घेऊन जाईल काही कळत नाही. या छोट्या गाष्टी असतात पण,त्या फार महत्वाच्या असतात असेही रावते यांनी म्हटलं आहे. पिंपरी-चिंचवड येथील वल्लभ नगर बस स्थानकातील विश्रांतीगृहाचे नूतनीकरण करण्यात आले, त्याच्या उद्घाटन प्रसंगी रावते बोलत होते.

वल्लभ नगर येथील विश्राम गृहाचे नूतनीकरणाचे कंत्राट एका संस्थेने घेतले होते. मात्र त्या कामावर रावतेंनी नाराजी व्यक्त करत या कामात त्रुटी दाखवून दिल्या. ते म्हणाले की, पत्र्याच्या बेडच्या जवळ मोबाईल चार्जर पॉईंट असला पाहिजे. मोबाईलशिवाय सुचत नाही, माणसाला शांत करायचे असेल तर नको त्या बाता मारत नाहीत, त्यात मोबाईलवर रोमँटिक रमणारा असेल तर…असं म्हणून पुढचा विषय रावते यांनी बोलणं टाळलं.

मी रात्रंदिवस ग्रामीण भागात फिरणारा माणूस आहे. पूर्वी बसने प्रवास करायचो,आता गाडीने जातो.पक्षाचं काम देखील बसमध्ये फिरून करत होतो.गेली ३०-३२ वर्षे झाली ग्रामीण भागात काम करतो आहे. मी मुंबई चा महापौर होतो हेदेखील लोक विसरली एवढं काम मी ग्रामीण भागात केलं आहे. असंही रावेत यांनी म्हटलं आहे. सगळ्या सुविधा निर्माण करत असताना मी माझ्या संकल्पना मांडल्या आहेत असंही रावतेंनी म्हटलं आहे. परिवहन मंत्री दिवाकर रावते म्हणाले.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on January 24, 2019 6:40 pm

Web Title: bus driver and conductor are always in tension about their inner says divakar rawate
Next Stories
1 सुनेने दारू आणून दिली नाही, सासरच्यांनी केला हत्येचा प्रयत्न
2 पुणे: युट्यूब पाहून छापल्या बनावट नोटा, युवकाला अटक
3 विद्यापीठाच्या ‘नाटय़ाचार्य खाडिलकर’ पारितोषिकासाठी एकही अर्ज नाही
Just Now!
X