पुणे महानगरपालिकेचे भाजपाचे नगरसेवक दीपक पोटे यांची फॉर्च्युनर गाडी चोरली गेल्याची घटना घडली असून या प्रकरणी दत्तवाडी पोलीस स्टेशनमध्ये गुन्हा दाखल करण्यात आला आहे. पोलिसानी दिलेल्या माहितीनुसार, पुणे महापालिकेतील भाजपचे नगरसेवक दीपक पोटे हे सिंहगड रोडवरील एका सोसायटीत राहत असून काल रात्री नेहमीप्रमाणे घराच्या पार्कींगमध्ये फॉर्च्युनर गाडी लावली होती. तर आज सकाळी उठल्यानंतर पाहिले असता गाडी जाग्यावर नाही. त्यानंतर त्यांनीआजूबाजूच्या परिसरात पाहणी केली. मात्र गाडीचा शोध लागला नाही. त्यानंतर त्यांनी गाडी चोरीला गेल्याची तक्रार दिली असून या घटनेचा तपास करण्यात येत असल्याचे त्यांनी सांगितले.
