News Flash

गुंगी आणणारा मारून स्प्रे चेन्नई एक्स्प्रेसमधील पाच प्रवाशांचा आठ लाखांचा ऐवज लुटला

चेन्नई एक्सप्रेस रेल्वेमध्ये सोलापूर ते लोणावळा प्रवासादरम्यान दोन बोगीमधील पाच प्रवाशांच्या बॅगा आणि सोन्याचे दागिने असा आठ लाखांचा ऐवज चोरून नेल्याची घटना गुरुवारी रात्री घडली.

| November 16, 2014 03:10 am

चेन्नई एक्सप्रेस रेल्वेमध्ये सोलापूर ते लोणावळा प्रवासादरम्यान दोन बोगीमधील पाच प्रवाशांच्या बॅगा आणि सोन्याचे दागिने असा आठ लाखांचा ऐवज चोरून नेल्याची घटना गुरुवारी रात्री घडली. चोरीला गेलेल्या ऐवजामध्ये सर्वाधिक सोन्याचे दागिन्यांचा समावेश असून चोरटय़ांनी गुंगीच्या स्प्रेचा वापर केल्याचे प्रवशांनी तक्रारीत म्हटले आहे. या प्रकरणी दादर येथील लोहमार्ग पोलीस ठाण्यात गुन्हा दाखल करून तो पुणे लोहमार्ग पोलिसांकडे दाखल केला आहे.
याबाबत योगेश गोवर्धन गिलानी (वय ५७, रा. मुंबई) यांनी तक्रार दिली आहे. लोहमार्ग पोलिसांनी दिलेल्या माहितीनुसार, सोलापूरहून गुरुवारी रात्री हे प्रवाशी चेन्नई एक्सप्रेसने रेल्वेने मुंबईला जाण्यासाठी बसले. पुणे ओलांडल्यानंतर लोणावळ्याजवळ या प्रवाशांना आचानक झोपेतून जाग आली. त्या वेळी त्यांच्या बॅगा आणि सोने चोरीला गेल्याचे आढळून आले. ‘ए वन’ बोगीतील तीन प्रवाशांचे बॅगा आणि सोने असे साडेसहा लाख रुपयांचा ऐवज तर, ‘एस सात’ बोगीतील दोन प्रवाशांचा एक लाखांचा ऐवज चोरीला गेला आहे. या प्रवाशांनी मुंबईत गेल्यानंतर या प्रकरणी दादर पोलिसांकडे तक्रार दिली. त्या तक्रारीत त्यांनी चोरटय़ांनी त्यांच्यावर गुंगीच्या स्प्रेचा वापर केल्यामुळे त्यांना जाग आली नसल्याचे म्हटले आहे. या प्रकरणी दादर पोलिसांनी गुन्हा दाखल करून पुणे लोहमार्ग पोलिसांकडे वर्ग केला आहे. या प्रकरणी पुणे लोहमार्ग पोलीस ठाण्याचे पोलीस निरीक्षक अभय परमार हे अधिक तपास करीत आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 16, 2014 3:10 am

Web Title: chennai express passenger loot crime spray
Next Stories
1 शिक्षण मंडळात गोंधळ आदेशाचा अर्थ लावण्यात घोळ
2 पाठिंबा दिला तरी राष्ट्रवादी शत्रू क्रमांक एकच – जानकर
3 मोटारीवरील दिव्याची ‘प्रतिष्ठा’!
Just Now!
X