कारागृह अधिकाऱ्यासह रक्षकाला धक्काबुक्की

पुणे : येरवडा कारागृहातील कैद्यांच्या दोन गटांत सुरू असलेल्या धुसफुशीतून एकमेकांना मारहाण करण्याची घटना घडली. मंगळवारी सकाळी एका कैद्यावर दुसऱ्याने अणुकुचीदार वस्तूने हल्ला चढविला. त्यानंतर ज्या कैद्याला मारहाण करण्यात आली त्याच्या प्रतिस्पर्धी गटातील कैद्यांना बुधवारी मारहाण करण्यात आली. मध्यस्थी करणाऱ्या कारागृह अधिकाऱ्यासह रक्षकाला धक्काबुक्की करण्यात आली.

PMC pune municipal corporation
रस्त्यावर फेकलेल्या कचऱ्यातून पत्ते शोधून दंडाची वसुली; मोटारीतून कचरा फेकणाऱ्यांचा पाठलाग करून महापालिकेच्या अधिकाऱ्यांकडून कारवाई
Danger from electric wires on footpaths Inexcusable negligence of the Municipal Corporation after entrusting the work to the contractors navi Mumbai
पदपथांवरील विद्युत तारांमुळे धोका; कंत्राटदारांकडे काम सोपवल्यावर महापालिकेचे अक्षम्य दुर्लक्ष
combative attitude of Sikh community
चाहे हंजूगॅस बरसाओ, या गोळीया… शेतकरी आंदोलनात ‘जट्ट दा जुगाड’
Koyta gang in police trap
पुणे : ‘सीसीटीव्ही’ कॅमेऱ्यांमुळे कोयता गॅंग पोलिसांच्या जाळ्यात

हडपसर भागातील हिंदू राष्ट्र सेनेचा कार्यकर्ता तुषार हंबीर याच्या विरोधात खुनाचा गुन्हा दाखल आहे. सध्या तो कारागृहात न्यायाधीन बंदी (अद्याप शिक्षा न झालेला)आहे. मंगळवारी सकाळी सातच्या सुमारास कारागृहातील कैद्यांना आवारात सोडण्यात आले. त्या वेळी हंबीर याच्यावर शाहरूक उर्फ रशीद शेख, अमन रियाज अन्सारी, सलीम शब्बीर शेख यांनी हल्ला चढविला. त्याच्यावर अणुकुचीदार वस्तूने हल्ला करण्यात आला. हंबीर जखमी झाल्यानंतर त्याला ससून रुग्णालयात दाखल क रण्यात आले. हंबीरच्या खुनाचा प्रयत्न केल्याप्रकरणी शेख, अन्सारी यांच्याविरोधात गुन्हा दाखल करण्यात आला.

त्यानंतर सकाळी दहाच्या सुमारास हंबीरच्या साथीदारांनी शेख, अन्सारी यांच्या गटातील साथीदार शाहरूख अस्लम खान याला लाथा-बुक्क्यांनी बेदम मारहाण करत त्याच्या पाठीत वीट मारली. कारागृह अधिकारी संदीप एकशिंगे आणि शिपाई समीर सय्यद यांनी कैद्यांना रोखण्याचा प्रयत्न केला तेव्हा त्यांना धक्काबुक्की करण्यात आली. एकशिंगे यांनी यासंदर्भात फिर्याद दिली. या प्रकरणी राहुल तुपे, अक्षय हाके, अक्षय सूर्यवंशी, पृथ्वीराज सूर्यवंशी, गौरव जाधव, राहुल पानसरे, अक्षय चौधरी, अनिकेत जाधव, अक्षय इंगुळकर, संजय औताडे, अनिल सोमवंशी, शिवशंकर शर्मा, प्रवीण सुतार, निखिल पाटील यांच्या विरोधात गुन्हा दाखल करण्यात आला आहे.

कैद्याला बेदम मारहाण; प्रकृती चिंताजनक

कैद्यांच्या एका गटाने बुधवारी सकाळी पुन्हा एका कैद्याला बेदम मारहाण केली. त्याच्या डोक्यात दगड मारल्याने तो गंभीर जखमी झाला. या घटनेत गंभीर जखमी झालेल्या कैद्याचे नाव महंमद नदाफ असल्याचे समजते. तो मूळचा सांगलीतील आहे. नदाफ याच्यावर ससून रूग्णालयात उपचार सुरू असून त्याची प्रकृती चिंताजनक आहे.