News Flash

Coronavirus: पुण्यातील करोनाबाधित महिलेचा पिंपरी-चिंचवडमध्ये उपचारांदरम्यान मृत्यू

आज आढळलेल्या रुग्णामध्ये तरुणांचा समावेश

Covid-19 ला रोखण्यासाठी जगभरात १०० लस संशोधन प्रकल्पांवर काम सुरु आहे.

पुण्यातील एका करोनाबाधित महिलेचा पिंपरी-चिंचवड शहरात उपचारादरम्यान मृत्यू झाला आहे. तिच्यावर गेल्या काही दिवसांपासून महानगरपालिकेच्या यशवंतराव चव्हाण स्मृती रुग्णालयात उपचार सुरू होते. यामुळे पिंपरी-चिंचवडमधील करोनाबाधित मृतांची एकूण संख्या सहावर पोहचली आहे. दरम्यान, आज शहरात नवे आठ करोनाबाधित रुग्ण आढळून आले आहेत. यात बहुतांश तरुणांचा समावेश आहे.

पिंपरी-चिंचवड शहरात एकूण १४२ करोनाबाधितांची संख्या झाली असून सहा जणांचा मृत्यू झाला आहे. यातील काही जण पिंपरी-चिंचवड हद्दी बाहेरील आहेत. दरम्यान, ६२ जणांना महानगरपालिकेच्या रुग्णालयातून डिस्चार्ज देण्यात आला असून ते सर्व ठणठणीत बरे झाले आहेत. आज आढळलेले करोनाबाधित रुग्ण हे मोशी, पिंपळे गुरव आणि चिंचवड परिसरातील आहेत. गेल्या काही दिवसांपासून पिंपळे गुरव, मोशी या परिसरात रुग्ण आढळत असल्याने येथील काही परिसर सील करण्यात आले आहेत.

शहरात नव्याने करोनाबाधित आढळलेल्या व्यक्ती या २१ ते २८ वयोगटातील आहेत. तर एकाचे वय ५० वर्षे आहे. तसेच करोनाबाधित महिलांमध्ये २५ ते २८ वयोगटातील तरुणींचा समावेश असल्याने तरुणांनी याबाबत जास्त खबरदारी बाळगणं महत्वाचं आहे. करोनाला हरवायचं असेल तर घरी राहणं गरजेचं असून महत्वाचं काही काम असेल तरंच बाहेर पडावं असं आवाहन प्रशासनाकडून करण्यात आलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 6, 2020 3:11 pm

Web Title: corona virus infected woman from pune dies while undergoing treatment in pimpri chinchwad aau 85 kjp 91
टॅग : Coronavirus
Next Stories
1 मुंबई, पुणे हॉटस्पॉट असताना दारु दुकाने उघडी ठेऊ नयेत : भाजपाची भूमिका
2 विनावेतन काम करू, पण नोकरी द्या – एमपीएससी समन्वय समितीची मागणी
3 पुणे : दारू पिणार्‍या व्यक्तीचे फोटो काढणार्‍या पत्रकारास टोळक्याकडून मारहाण
Just Now!
X