22 September 2020

News Flash

शंभर टक्के संचारबंदी, रस्त्यावर सायकल खेळायलाही नाही संधी

पोलिसांकडून कडक कारवाईचा इशारा

संग्रहित छायाचित्र

पिंपरी-चिंचवड शहरात जमावबंदीचे आदेश देण्यात आले असून, रस्त्यांवर सर्व प्रकारच्या वाहतुकीस बंदी घालण्यात आली आहे. यातून अत्यावश्यक सेवांची वाहतूक करणाऱ्या वाहनांना वगळण्यात आले आहे. दरम्यान, गल्लीमध्ये सायकल खेळण्यास ही बंदी घालण्यात आल्याचं पोलीस प्रशासनाकडून सांगण्यात आलं आहे. पिंपरी-चिंचवड पोलीस आयुक्तालयाच्या हद्दीत बाहेरून येणाऱ्या वाहनांना मज्जाव करण्यात आला असून त्यांना शहरात प्रवेश नाकारण्यात येणार आहे.

पिंपरी-चिंचवड शहरात एकूण १२ करोना बाधित रुग्ण आढळले असून, त्या पार्श्वभूमीवर आता जमावबंदीसह शहरातील अंतर्गत सार्वजनिक वाहतूक बंद करण्यात आली आहे. यात पीएमपीएमएल बसेसचाही समावेश आहे. मध्यरात्री १ वाजल्यापासून हा आदेश लागू करण्यात आला असून ३१ मार्चपर्यंत लागू राहणार आहे. सर्व प्रकारच्या वाहनांना रस्त्यावर, तर गल्ल्यामध्ये खेळल्या जाणाऱ्या सायकल तसेच पारंपरिक व अपारंपरिक इंधनावर चालणाऱ्या मोटार सायकल, स्कूटर, सर्व प्रकारची वाहतूक करणारी तीनचाकी वाहने, हलकी वाहने, जड-अवजड वाहनांना वाहतुकीस बंदी घालण्यात आली आहे. आदेशाचे पालन न केल्यास कलम १८८ नुसार कारवाई करण्यात येईल असं ही पोलिसांकडून सांगण्यात आलं आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 24, 2020 2:06 pm

Web Title: coronainpune strictly implementation of curfew in pimpri chinchwad city by police bmh 90 kjp 91
टॅग Corona,Coronavirus
Next Stories
1 गुड न्यूज : संसर्ग झालेलं पहिलं दाम्पत्य लवकरच परतणार घरी; ‘हा काळ आमच्यासाठी खूप कठीण होता’
2 शिक्षण संस्थेबाहेर एक सत्र शिकण्याची विद्यार्थ्यांना संधी
3 संचारबंदीमध्ये अत्यावश्यक कामांसाठी बाहेर जाण्याची मुभा
Just Now!
X