News Flash

Coronavirus – पुण्यात दिवसभरात २ हजार ५८७ करोनाबाधित वाढले, ११ रूग्णांचा मृत्यू

पिंपरी-चिंचवड शहरात आज १ हजार २४८ नवे करोना रूग्ण वाढले, पाच मृत्यू

संग्रहीत

पुणे शहरात दिवसभरात २ हजार ५८७ करोनाबाधित वाढले असून, ११ रूग्णांचा मृत्यू झाल्याची नोंद झाली आहे. याचबरोबर एकूण बाधितांची संख्या आता २ लाख २३ हजार ७९७ झाली आहे. आजपर्यंत ४ हजार ९८० रूग्णांचा मृत्यू झाला आहे. दरम्यान आज ७६९ जणांचे रिपोर्ट निगेटिव्ह आल्याने त्यांना घरी सोडण्यात आले आहे. तर आजअखेर २ लाख ३ हजार ७८५ रुग्ण करोनामुक्त झाले आहेत.

पिंपरी-चिंचवड शहरात आज दिवसभरात १ हजार २४८ करोनाबाधित रुग्ण आढळले असून, ६१५ जण करोनामुक्त झाले आहेत. तर पाच रूग्णांचा उपचारा दरम्यान मृत्यू झाला आहे. पिंपरी-चिंचवड शहरातील एकूण बाधितांची संख्या १ लाख १६ हजार ८९६ वर पोहचली आहे. यापैकी १ लाख ७ हजार ९६ जण करोनातून बरे झाले आहेत. पिंपरी-चिंचवड महानगर पालिकेच्या रुग्णालयात उपचार घेत असलेल्या अॅक्टिव्ह रुग्णांची संख्या १ हजार ७४९ असल्याची माहिती महानगरपालिकेच्या आरोग्य विभागाने दिली आहे.

चिंताजनक : राज्यात दिवसभरात २३ हजार १७९ करोनाबाधित वाढले, ८४ मृत्यू

राज्यातील करोना संसर्गाचा वेग दिवसेंदिवस पुन्हा एकदा अधिकच झपाट्याने वाढत असल्याचे दिसत आहे. दररोज मोठ्यासंख्येने करोनाबाधित आढळून येत असून, मृत्यूंच्या संख्येतही भर पडत आहे. अनेक शहारांमध्ये तर लॉकडाउन देखील घोषित करण्यात आला आहे. याशिवाय, लसीकरणाचा वेग आणखी वाढवणार असल्याचे आरोग्यमंत्री राजेश टोपे यांनी देखील सांगितलेलं आहे. दरम्यान, आज दिवसभरात राज्यात २३ हजार १७९ नवीन करोनाबाधित वाढले असून, ८४ रूग्णांचा मृत्यू झाल्याची नोंद झाली आहे. तर, आजपर्यंत राज्यात ५३ हजार ८० रूग्णांचा मृत्यू झालेला आहे. सध्या राज्यातील मृत्यूदर २.२४ टक्के एवढा आहे. याशिवाय, राज्यात आज रोजी एकूण १,५२,७६० ॲक्टिव्ह रुग्ण आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 17, 2021 8:53 pm

Web Title: coronavirus 2 thousand 587 corona patients increased in pune during the day msr 87 svk 88 kjp 91
टॅग : Coronavirus
Next Stories
1 पुण्यात १८ वर्षीय तरुणीने क्वारंटाइन सेंटरमधून पळून जाण्याचा केला प्रयत्न; पण झालं भलतंच
2 स्वच्छतेला मुदतवाढ
3 २६ सामंजस्य करारांतून १२ अभ्यासक्रमांची निर्मिती
Just Now!
X