28 September 2020

News Flash

Video : करोनाचे अरिष्ट दूर होण्यासाठी गाऱ्हाणे

या गाऱ्हाण्याचा व्हिडिओ तयार करून समाजमाध्यमात पोस्ट केला आहे.

जगावर आलेले करोना विषाणूच्या रुपातील अरिष्ट दूर होण्यासाठी खास मालवणी शैलीत गाऱ्हाणे घालण्यात आले आहे. रंगकर्मी सागर अत्रे यानी या गाऱ्हाण्याचा व्हिडिओ तयार करून समाजमाध्यमात पोस्ट केला आहे.

केंद्र आणि राज्य सरकार करोना विषाणूला हरवण्यासाठी शक्य ते सर्व उपाय करत आहे. जगातील अन्य देशांच्या तुलनेत देशातील करोना बाधितांचा आकडा अद्याप फार वाढलेला नाही. मात्र, दिवसेंदिवस त्यात वाढच होत आहे. त्यामुळे वैद्यकीय प्रयत्नांबरोबरच दैवी शक्तीला साकडे घालण्यात येत आहे.

मालवणी पद्धतीच्या गाऱ्हाण्याचा व्हिडिओ करण्याबाबत पुण्यातील रंगकर्मी सागर अत्रे म्हणाले, प्रथेप्रमाणे कोणतेही कार्य सिद्धीस जावे यासाठी ईश्वराला प्रार्थना केली जाते जेणेकरून कार्य निर्विघ्न पार पडेल. तशी नाट्यपरंपरा देखील आहे. ही परमेश्वराला मारलेली हाक आहे. या गाऱ्हाण्यात असे सांगितले गेले आहे की हे परमेश्वरा आता नुकताच होळीचा सण होऊन गेला, नववर्षाची सुरवात देखील झाली मग असं काय पाप, चूक आमच्या हातून घडली की हे कोरोना नावाचे अरिष्ट आमच्यावर कोसळलं आहे. आमची चूक पोटात घालून आमची सेवा मान्य कर व हे अरिष्ट नाहीसं कर, आम्हाला माफ कर. वार्षिक उत्सव,जत्रा,यात्रा येथे असे गाऱ्हाणे घालायची रीत आहे. परमेश्वर हाक ऐकतो अशी श्रद्धा आहे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 29, 2020 3:53 pm

Web Title: coronavirus pune video drama nck 90
टॅग Coronavirus
Next Stories
1 CoronaVirus : मोदींशी संवाद साधणाऱ्या डॉ. बोरसे यांचा अंदाज; ऑगस्टपर्यंत भारतातील आकडा शून्यावर येईल
2 Good News : पिंपरी-चिंचवडमधील एकाच कुटुंबातील चार जणांसह तरुण करोनामुक्त, मिळाला डिस्चार्ज
3 पिंपरी-चिंचवड :  करोनाबाधित, संशयित, परदेशातून आलेल्या नागरिकांच्या परिसरात औषधांची फवारणी
Just Now!
X