जगभरासह देशात जीवघेण्या करोना व्हायरसचे थैमान सुरू आहे. राज्यभरात दिवसेंदिवस करोनाचा प्रादुर्भाव वाढतच आहे. मुंबई व पुणे शहरातील रुग्णांची संख्या वाढत असून मृत्यूच्या आकड्यातही वाढ होत आहे. आज सकाळपासून पुण्यात करोनाने दोन महिलांचा मृत्यू झाला आहे. 2 more deaths reported in Pune today. Both of them had tested positive for #COVID19 and also had co-morbidity: Health officials, Pune A total of 31 deaths reported in Pune till now, including two residents of Thane and Ahmednagar who died here. #Maharashtra — ANI (@ANI) April 12, 2020 पुण्यातील संगमवाडी परिसरातील एका 58 वर्षीय महिलेसह सोमवार पेठेतील एका 56 वर्षीय महिलेचा करोनामुळे मृत्यू झाला असल्याची माहिती समोर आली आहे. या दोन्ही महिलांना अन्य आजारांनी देखील ग्रासले होते असे देखील सांगण्यात आले आहे. ससून रुग्णालयात त्यांच्यावर उपचार सुरू होते. पुण्यात आतापर्यंत करोनामुळे 31 रुग्णांचा मृत्यू झाला आहे. त्या 31 रुग्णांपैकी आज 2 जणांचा मृत्यू झाला आहे. तर, राज्यात आज 134 नव्या कोरोना बाधित रुग्णांची नोंद झाली आहे. एकूण रुग्ण संख्या 1895 वर पोहचली आहे.
