News Flash

दुसरे लग्न करणाऱ्या महाराजाला न्यायालयाचा दणका

अध्यात्मासाठी आश्रमात येणाऱ्या महिलेला फसवून तिच्याबरोबर दुसरे लग्न करणाऱ्या महाराजाला न्यायालयाने चांगलाच दणका दिला आहे.

| November 22, 2013 02:36 am

अध्यात्मासाठी आश्रमात येणाऱ्या महिलेला फसवून तिच्याबरोबर दुसरे लग्न करणाऱ्या महाराजाला न्यायालयाने चांगलाच दणका दिला आहे. दुसऱ्या पत्नीला दरमहा वीस हजार रुपये पोटगी देण्याचा आदेश जिल्हा व सत्र न्यायाधीश पी. पी. कुलकर्णी यांनी दिला.
आंबेगाव येथे किशोर मंडलिक उर्फ दादामहाराज (वय ४५, रा. धनकवडी) यांचा शिवगोरक्ष आश्रम आहे. या ठिकाणी अध्यात्मासाठी येणाऱ्या महिलेशी त्यांची ओळख झाली. त्या महिलेला त्यांनी पहिल्या पत्नीबरोबर घटस्फोट घेतल्याचे सांगितले. तिच्याकडून चार लाख रुपये घेतल्यानंतर त्या महिलेशी विवाह केला. पहिल्या पत्नीशी घटस्फोट घेतला नसल्याचे लक्षात आल्यानंतर महिलेने दत्तवाडी पोलीस ठाण्यात तक्रार दिली आहे. हे प्रकरण न्यायालयात सुरू आहे.
दरम्यान या महिलेने कौटुंबिक हिंसाचार कायद्याअंतर्गत पोटगी आणि नुकसान भरपाई मिळावी म्हणून अर्ज केला होता. प्रथमवर्ग न्यायदंडाधिकारी यांनी अंतरिम पोटगी म्हणून या महिलेला मंडलिक यांनी पाच हजार रुपये देण्याचा आदेश दिला होता. या निर्णयाच्या विरोधात अ‍ॅड. एन. डी. पाटील, अ‍ॅड. विजयसिंह ठोंबरे यांनी सत्र न्यायालयात अपील केले होते. या प्रकरणी सुनावणी झाल्यानंतर न्यायालयाने पीडित महिलेला मंडलिक यांनी वीस हजार रुपये पोटगी देण्याचा आदेश दिला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 22, 2013 2:36 am

Web Title: court punished fake maharaj for second marriage
टॅग : Court,Marriage
Next Stories
1 स.प. महाविद्यालय आणि विद्यार्थ्यांच्या वादाचा शेवट गोड
2 मद्यधुंद मोटार चालकाने डेक्कन येथे ५ वाहने, पाणीपुरीच्या गाडीला उडविले
3 औषध दुकानांची परवाना प्रक्रिया ऑनलाईन
Just Now!
X