News Flash

बारामतीत सीआरपीएफ जवानाला पोलिसांकडून बेदम मारहाण

इंगवले शहीदांच्या श्रद्धांजली सभेसाठी परवानगी मागण्यासाठी पोलीस ठाण्यात आले होते. यावेळी त्यांना बेदम मारहाण करीत पोलीस ठाण्यात सात तास बसवून ठेवण्यात आले.

बारामतीत सीआरपीएफ जवानाला पोलिसांकडून बेदम मारहाण

जम्मू-काश्मीरमधील पुलवामा येथे दहशतवादी हल्ल्यात शहीद झालेल्या जवानांप्रती श्रद्धांजली सभेची परवानगी मागण्यासाठी गेलेल्या एका सीआरपीएफच्या जवानाला बारामती पोलिसांकडून बेदम मारहाण झाल्याचा खळबळजनक प्रकार समोर आला आहे. या मारहाणीत या जवानाचे कपडे फाटले आहेत.

सुत्रांच्या माहितीनुसार, अशोक इंगवले (रा. सोनगाव) असे या मारहाण करण्यात आलेल्या सीआरपीएफ जवानाचे नाव असून तो ११८ बटालिअनमध्ये कार्यरत आहे. इंगवले शहीदांच्या श्रद्धांजली सभेसाठी परवानगी मागण्यासाठी पोलीस ठाण्यात आले होते. यावेळी त्यांना बेदम मारहाण करीत पोलीस ठाण्यात सात तास बसवून ठेवण्यात आले. दारु पिऊन तिघांना दुचाकीवर घेऊन येत रागाच्या भरात त्याने पोलीस ठाण्यात धिंगाणा घालत तोडफोड केल्याचे पोलिसांचे म्हणणे आहे. हा धिंगाणा सीसीटीव्हीत कैद झाल्याचा दावाही पोलिसांनी केला आहे.

मात्र, आपण दारु प्यायलो नाही, आपली वैद्यकीय तपासणी केल्यास सत्य समोर येईल असे इंगवले यांनी पोलिसांना सांगितले. मात्र, यावरुन समाधान न झाल्याने १६ पोलिसांनी मिळून इंगवले यांना बेदम मारहाण केली. या मारहाणीत त्यांचे कपडेही फाटले आहेत.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on February 17, 2019 9:03 pm

Web Title: crpf jawan trash by policemen in baramati
Next Stories
1 युतीचं भवितव्य माहिती नाही पण, शिवसेनेचे किमान १५० आमदार असतील : आदित्य ठाकरे
2 नवज्योतसिंग सिद्धूंच्या वादग्रस्त विधानावर स्वामी अग्निवेश म्हणतात…
3 सत्ताधाऱ्यांचा आदर्श हिटलर आणि मुसोलिनी – पी.बी. सावंत
Just Now!
X