29 September 2020

News Flash

‘संत रत्न’ पुरस्काराने दादा वासवानी सन्मानित

‘फक्त भक्त बनू नका. तर भक्तांचा भक्त बना’, असा संदेश देत दादा वासवानी यांनी वारकऱ्यांशी संवाद साधला.

वारकरी संप्रदायातर्फे साधू वासवानी मिशनचे प्रमुख दादा वासवानी यांना ‘संत रत्न’ पुरस्काराने गुरुवारी सन्मानित करण्यात आले. वारकऱ्यांच्या भक्तीचे प्रतीक असलेली वीणा या वेळी दादांनी हाती घेतली.  

 

टाळ-मृदंगाच्या तालावर मुखी विठ्ठलनामाचा गजर करीत पायी पंढरपूरला जाणाऱ्या पांडुरंगभक्तांकडून मानवतेची पूजारी समाजसेवकाचा गौरव झाला. वारकरी संप्रदायातर्फे दादा जे. पी. वासवानी यांना ‘संत रत्न’ पुरस्काराने सन्मानित करण्यात आले.

पुणे मुक्कामी असलेल्या वारकऱ्यांनी गुरुवारी सकाळी साधू वासवानी मिशन येथे भेट देत साधू वासवानी यांच्या समाधीसमोर भजन केले. त्यानंतर दादा वासवानी यांचे वास्तव्य असलेल्या कुटीमध्ये हा हृद्य सोहळा झाला. ज्येष्ठ कृषितज्ज्ञ डॉ. बुधाजीराव मुळीक यांच्या हस्ते दादा वासवानी यांना ‘संत रत्न’ पुरस्कार प्रदान करण्यात आला. त्यांना पांडुरंगाची मूर्ती प्रदान करण्यात आली. दादांनी वारीचे प्रतीक असलेली वीणा आणि तुळशी वृंदावन हाती घेतले.

‘फक्त भक्त बनू नका. तर भक्तांचा भक्त बना’, असा संदेश देत दादा वासवानी यांनी वारकऱ्यांशी संवाद साधला. तुम्ही पांडुरंगाचे भक्त आहात. मी तुम्हा सर्वासमोर नतमस्तक होत आहे. वेगवेगळ्या प्रांतातून आलेले वारकरी सर्वधर्म समभावाचा संदेश देत आहेत.वारकरी संप्रदाय असाच मोठा होत राहू दे, अशी भावना वासवानी यांनी व्यक्त केली.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on July 1, 2016 5:35 am

Web Title: dada vanvasi get award
Next Stories
1 अकरावीच्या प्रवेश प्रक्रियेतून १५ हजार विद्यार्थी बाहेर
2 वृक्षारोपण कार्यक्रमासाठी उदंड नोंदणी
3 चांदणी चौकातील उड्डाणपुलासाठी तातडीने भूसंपादनाची मागणी
Just Now!
X