गणपती बाप्पा मोरया मंगलमूर्ती मोरयाच्या जयघोषात मोजक्या लोकांच्या उपस्थितीत श्रीमंत दगडूशेठ हलवाई गणपती मंदिरामध्ये बाप्पाची प्राणप्रतिष्ठा ट्रस्टचे अध्यक्ष अशोक गोडसे यांच्या हस्ते सकाळी 10 वाजून 23 मिनिटांनी हा सोहळा पार पडला. श्रीमंत दगडूशेठ हलवाई सार्वजनिक गणपती ट्रस्ट, सुवर्णयुग तरुण मंडळाच्या वतीने ट्रस्टच्या 129 व्या वर्षात पदार्पण करीत आहे. आज सकाळी ट्रस्टचे अध्यक्ष अशोक गोडसे, सुनील रासने, महेश सूर्यवंशी, हेमंत रासने, माणिक चव्हाण आदी उपस्थित होते. वेदमूर्ती मिलींद राहुरकर आणि वेदमूर्ती नटराज शास्त्री यांच्या पौरोहित्याखाली प्राणप्रतिष्ठा सोहळा पार पडला. बाप्पाचे दर्शन भाविकांना अगदी सहज होण्याच्या दृष्टीने ऑगमेंटेंड रिअ‍ॅलिटी तंत्रज्ञानाचा वापर ऑगमेंटेंड रिअ‍ॅलिटी या तंत्रज्ञानाचा वापर हे यंदाच्या उत्सवाचे प्रमुख वैशिष्टय आहे. केंद्र व राज्य शासनाने केलेल्या आवाहनानुसार जास्तीत जास्त भक्तांनी ऑनलाईन दर्शन घ्यावे, याकरीता या तंत्राचा वापर करण्यात येत आहे. याकरीता ट्रस्टतर्फे दिलेल्या या लिंकवर जाऊन घरी भक्ताने आरती करतानाचा व्हिडिओ काढल्यास प्रत्यक्ष दगडूशेठ गणपती मंदिराच्या गाभा-यात श्रीं ची आरती करतानाचा व्हिडिओ तयार होणार आहे. आपण गाभा-यात उभे राहून प्रत्यक्ष आरती करीत असल्याचा आनंद व्हिडिओ पाहून भक्तांना घेता येणार आहे. गणपती बाप्पा मोरया! गणेश चतुर्थीनिमित्त दगडूशेठ हलवाई गणपती मंदिराबाहेर दर्शनासाठी गर्दी. (फोटो- सागर कासार) #गणेश_चतुर्थी #गणेशोत्सव२०२१ #GaneshChaturthi #GaneshChaturthi2021 #GanpatiBappaMorya #Maharashtra #Pune pic.twitter.com/yL9Xh5TTeO — LoksattaLive (@LoksattaLive) September 10, 2021 ॠषीपंचमीनिमित्त ऑनलाईन अथर्वशीर्ष पठण यंदाच्या गणेशोत्सवात प्रत्यक्ष कार्यक्रम करणे शक्य नसल्याने ट्रस्टने ऑनलाईन कार्यक्रमांचे आयोजन केले आहे. ऋषीपंचमीनिमित्त शनिवार, दिनांक 11 सप्टेंबर रोजी पहाटे 6 वाजता अथर्वशीर्ष पठण सोहळा ऑनलाईन पद्धतीने होईल. ट्रस्टच्या फेसबुक पेज, इन्स्टाग्राम याद्वारे या उपक्रमाचा आनंद भाविकांना घेता येणार आहे. श्रीं चे ऑनलाईन दर्शन घेण्याची व्यवस्था देखील ट्रस्टने केली आहे. ट्रस्टच्या वेबसाईट, अ‍ॅप, फेसबुक, यू ट्यूब, ट्ट्विटर या माध्यमांद्वारे www.dagdushethganpati.com, , iOS : Android: Dagdusheth_Android_App या लिंकवर उत्सवकाळात 24 तास दर्शनाची सोय करण्यात आली आहे. मंदिरामध्ये प्रवेश न करता बाहेरुनच बाप्पांचे दर्शन भाविकांना घेता येणार आहे.
