19 September 2020

News Flash

जगदगुरु संत तुकाराम महाराजांच्या पालखीने प्रस्थान ठेवले

मोजक्या प्रतिनिधींच्या उपस्थित पार पडला सोहळा

जगदगुरु संत तुकाराम महाराज यांचा ३३५ वा पालखी सोहळा आज देहू येथे पार पडत असून, अगदी मोजक्या प्रतिनिधींच्या उपस्थित पालखीने प्रस्थान ठेवले आहे. प्रदक्षिणा घालून पादुका मुख्य मंदिरात ठेवल्या जाणार आहेत. त्यानंतर ३० जून रोजी हेलिकॉप्टर किंवा बसमधून पंढरपूरला रवाना होणार असल्याचं देवस्थानाकडून सांगण्यात आले आहे.

या प्रसंगी दरवर्षी देहू नगरी ज्ञानोबा-तुकारामच्या गजराने दुमदुमून गेलेली असते. मात्र, यावर्षी करोनाचं संकट असल्याने अगदी मोजक्याच प्रतिनिधींच्या उपस्थित पालखी प्रस्थान सोहळा पार पडला आहे. मुख्य मंदिराच्या इथून पालखीने दुपारी साडेतीन वाजेच्या सुमारास प्रस्थान ठेवले. तर, देहू नगरीत महाराष्ट्रासह इतर ठिकाणाहून वारकऱ्यांनी येऊ नये असे आवाहन विश्वास्थांकडून करण्यात आले होते. त्याला वारकरी संप्रदायाकडून प्रतिसाद मिळाल्याचे दिसून आले.

दरम्यान, संपूर्ण देहू नगरीत आज शांतमय वातावरण पाहायला मिळाले.  पालखी प्रदक्षिणा झाल्यानंतर पालखी मुख्य मंदिरात विसावणार असून ३० जून रोजी  हेलिकॉप्टर किंवा बसने पंढरपूरला रवाना होणार आहे. आज मुख्य मंदिर परिसर हा  ज्ञानोबा माऊली तुकारामच्या गजराने दुमदुमून गेला होता. मंदिराच्या आत उपस्थित वारकऱ्यांकडून सोशल डिस्टसिंगचं तंतोतंत पालन करण्यात आलं. मंदिराच्या पटांगणात आखलेल्या गोल वर्तुळांमध्ये शिस्तीत उभे राहून सर्व वारकरी, टाळकरी हरीनामाचा जयघोष करत होते.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on June 12, 2020 5:01 pm

Web Title: departure by jagadguru sant tukaram maharajs palkhi msr 87 kjp 91
Next Stories
1 करोना योद्धांचे रक्तदान; पुणे पोलीस आयुक्त कार्यालयात रक्तदान शिबीर
2 देहू नगरीत मोजक्या प्रतिनिधींच्या उपस्थितीत पार पडणार पालखी प्रस्थान सोहळा
3 गलोलने दगड मारुन वानराची शिकार, जुन्नरमधून दोघांना अटक
Just Now!
X