29 March 2020

News Flash

भाजी खाली दारूची हौस;शर्ट काढायला लावत पोलिसांनी दिला तळीरामाला चोप

अत्यावश्यक सेवांच्या नावाखाली तळीराम करत आहेत पोलिसांची फसवणूक

 

सध्या करोना विषाणूमुळे अवघा भारत देशात लॉकडाऊन करण्यात आला आहे. अत्यावश्यक सेवा वगळून सर्व बंद ठेवण्यात आले आहे. त्यामुळे भाजीचे मार्केट सुरूच आहे. रस्त्यावर प्रत्येक ठिकाणी पोलीस बंदोबस्त आहे, अश्यात काही तळीराम भाजीच्या नावाखाली गावठी दारू दुचाकीवरून घेऊन जात असताना पिंपरी वाहतूक पोलिसांनी आढळले मग काय पोलिसांनी चोप दिला. एवढेच नव्हे तर त्याच्या तोंडाला मास्क नसल्याने त्याचा शर्ट काढून तोंडाला बांधायला लावला.

पिंपरी-चिंचवड शहरात करोना ने शिरकाव केला आणि १२ जण बाधित आढळले. त्यानंतर प्रशासनाकडून विविध उपाय योजना करण्यात आल्या. देशात जास्त प्रादुर्भाव झाल्याने अवघा देश लॉकडाऊन करण्यात आला आहे. परंतु, काही नागरिकांना काही घेणं देणं नसल्याचं समोर येत आहे. काही नागरिक अत्यावश्यक सेवामध्ये असलेल्या भाजी च्या नावाखाली दारूचे व्यसन भागवत असल्याचे दिसत आहे. आज पिंपरी च्या आंबेडकर चौकात दोन व्यक्ती हे दुचाकीवरून जात होते. त्यांना वाहतूक पोलिसांनी अडवले. पोलिसांनी कारण विचारले तेव्हा भाजी घ्यायला गेलो असल्याचे सांगत आपल्याकडील पिशवी दाखवली. मात्र पाठीमागे बसलेल्या व्यक्तीकडे दुसऱ्या पिशवीत गावठी दारू असल्याचे पोलिसांना दिसले. त्यांनी काठीने ती बॅग फोडली, त्यात गावठी दारू होती. त्याने मास्क ही बांधले नव्हते त्यामुळे त्याला शर्ट काढायला लावत काठीने चोप दिला आणि शर्ट तोंडाला बांधायला लावला. दरम्यान, नागरिकांनी आपापल्या घरात राहणे बंधनकारक आहे.  परंतु, काही नागरिक अत्यावश्यक सेवांच्या नावांखाली रस्त्यांवर फेरफटका मारत आहेत, तर काही जण आपली व्यसन. त्यामुळे नागरिकांनी करोना विषाणू च गांभीर्य समजून घेत स्वतःला २१ दिवस घरात राहण्याची सवय लावली पाहिजे.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on March 25, 2020 11:58 pm

Web Title: drinker fraud in the name of essential services kjp 91 abn 97
Next Stories
1 बाबा बाहेर करोना राक्षस आहे जाऊ नका…
2 पुण्यात विजांच्या कडकडाटासह जोरदार पावसाला सुरुवात
3 पोलीस आईनं आपल्या पोटच्या गोळ्याला करोनाच्या भीतीनं ठेवलं अडीचशे किलोमीटर दूर
Just Now!
X