02 March 2021

News Flash

पावसाच्या तडाख्यामुळे यंदा गूळदर चढे

गुऱ्हाळे बंद राहिल्याचा परिणाम; क्विंटलमागे १५० ते २०० रुपयांनी वाढ

(संग्रहित छायाचित्र)

दिवाळीत गुळाच्या मागणीत मोठी वाढ झाल्याने घाऊक तसेच किरकोळ बाजारात गुळाचे दर तेजीत आहेत. घाऊक बाजारात गुळाच्या दरात क्विंटलमागे १५० ते २०० रुपयांनी वाढ झाली असून किरकोळ बाजारात प्रतवारीनुसार एक किलो गुळाचे दर तीन ते चार रुपयांनी वाढले आहेत. किरकोळ बाजारात गुळाचे दर ४५ ते ६० रुपयांपर्यंत पोहोचले आहेत.

सणासुदीच्या काळात गुळाच्या मागणीत मोठी वाढ होते. नागपंचमीपासून गुळाच्या मागणीत वाढ सुरू होते. गौरी-गणपती, नवरात्रोत्सव, दिवाळीपर्यंत गुळाला मागणी असते. नवरात्रोत्सवात झालेल्या मुसळधार पावसामुळे उसशेतीत पाणी साठले होते. सलग पंधरा दिवस मुसळधार पाऊस सुरू असल्याने ऊसतोडणी झाली नाही. त्यामुळे गुऱ्हाळे बंद ठेवण्यात आली होती. मागणीच्या तुलनेत गुळाची आवक अपुरी पडत असल्याने गुळाचे दर तेजीत आहेत, अशी माहिती मार्केटयार्डातील गूळ व्यापारी जवाहरलाल बोथरा यांनी दिली. गेल्या पंधरा दिवसांपासून गुऱ्हाळे पुन्हा सुरू झाल्याने गुळाची आवकही वाढली आहे. मात्र, गुळाला असलेली मागणी पाहता दर टिकून आहेत, असे बोथरा यांनी नमूद केले.  दौंड तालुक्यातील यवत,राहू, पाटस, केडगाव, बारामती, तसेच क ऱ्हाड, पाटण, सांगली भागात गुऱ्हाळे आहेत. दिवाळीत असलेली मागणी पाहता गुऱ्हाळे दिवस-रात्र सुरू आहेत. मार्केटयार्डातील भुसार बाजारात दररोज ३ ते ४ हजार गूळ खोकी आणि ३ ते ४ हजार ढेपांची आवक होत आहे. मार्केटयार्डातील भुसार बाजारातून नाशिक, ठाणे, मुंबई परिसरात गूळ विक्रीसाठी पाठविला जात आहे. दिवाळीत गृहिणी मोठय़ा प्रमाणावर गुळाचा वापर करतात. दिवाळीनंतर गुळाची मागणी कमी होईल. त्यानंतर दरात घट होण्याची शक्यता आहे, असे त्यांनी सांगितले.

घाऊक बाजारातील गुळाचे दर (क्विंटलमध्ये)

तीन नंबर- ३१००  ते ३३०० रुपये

दोन नंबर- ३३५० ते ३५००

एक नंबर-३५५० ते ३७००

एक्स्ट्रा (उत्तम प्रतवारीचा गूळ)- ३८०० ते ४०००

गूळ खोके- ३४०० ते ३९००, ४००० ते ४८००

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on November 12, 2020 12:12 am

Web Title: due to the rains the jaggery has gone up abn 97
Next Stories
1 पक्षी जगताच्या रंजक माहितीचा खजिना
2 ‘ही आमची संस्कृती नाही,’ त्या प्रश्नावर चंद्रकांत पाटील यांचं उत्तर
3 काँक्रिटीकरणाचा धडाका
Just Now!
X