21 September 2020

News Flash

बनावट जामीनपत्र तयार केल्याचे प्रकरण

खुनाच्या गुन्ह्य़ातील दोन आरोपींना कारागृहातून बाहेर काढणारा न्यायालयातील लिपीक दीपक राऊत आणि माजी नगरसेवक तानाजी निम्हण यांच्या पोलीस कोठडीत २३ डिसेंबरपर्यंत वाढ करण्यात आली आहे.

| December 22, 2014 03:05 am

न्यायालयाचा बनावट जामीन आदेश तयार करून खुनाच्या गुन्ह्य़ातील दोन आरोपींना कारागृहातून बाहेर काढणारा न्यायालयातील लिपीक दीपक राऊत आणि माजी नगरसेवक तानाजी निम्हण यांच्या पोलीस कोठडीत २३ डिसेंबरपर्यंत वाढ करण्यात आली आहे. पोलिसांनी तपासात राऊतकडून दीड लाख रुपये, एक मोटार आणि दोन बनावट जामीनपत्र जप्त केली आहेत.
माजी नगरसेवक निम्हण यांची चेतन आणि तुषार निम्हण ही दोन मुले खुनाच्या गुन्ह्य़ात येरवडा कारागृहात होती. राऊत याने त्यांना बाहेर काढण्यासाठी दहा लाख रुपये घेऊन न्यायालयाच्या नावाने बनावट जामीनपत्र तयार केले. ते येरवडा कारागृहातील पेटीत टाकून दोघांची सुटका केली. मात्र, न्यायालयाने दोघांबाबत विचारणा केल्यानंतर हा सर्व प्रकार उघडकीस आला होता. याप्रकरणी राऊत व निम्हण यांना अटक केली होती. त्या दोघांना २१ डिसेंबपर्यंत पोलीस कोठडी सुनावण्यात आली होती. त्याची मुदत आज संपत असल्यामुळे त्यांना न्यायालयात हजर केले.
राऊत याच्या वतीने अ‍ॅड. मिलिंद पवार आणि निम्हण याच्या वतीने अ‍ॅड. बिपीन पाटोळे यांनी पोलीस कोठडीला विरोध केला. तर सरकारी वकील राजेंद्र सूर्यवंशी यांनी आरोपींना आणखी काही व्यक्तींना बनावट जामीन आदेश बनवून दिला असण्याची शक्यता आहे. त्याचा तपास करण्यासाठी पोलीस कोठडी वाढवून देण्याची मागणी केली. ती न्यायालयाने मान्य केली. 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on December 22, 2014 3:05 am

Web Title: fake bail order tanaji nimhan clerk police custody
Next Stories
1 सुप्त कलागुणांमधून जागविली जगण्याची उमेद
2 पुण्यात दहा वर्षांच्या मुलाची आत्महत्या
3 पुण्यातील सार्वजनिक वाहतूक इथेनॉलवर चालवा- गडकरी
Just Now!
X