News Flash

धाबा तपासणी मोहीम एफडीएकडून जोरात

अन्न व औषध प्रशासनातर्फे (एफडीए) महामार्गावरील धाब्यांची तपासणी वेगात सुरू करण्यात आली आहे.

| May 31, 2013 02:15 am

अन्न व औषध प्रशासनातर्फे (एफडीए) महामार्गावरील धाब्यांची तपासणी वेगात सुरू करण्यात आली असून आतापर्यंत ४५ धाब्यांची तपासणी करून त्यांपैकी ३५ धाब्यांना नोटिस देण्यात आल्या आहेत. अन्न विभागाचे सहायक आयुक्त शिवाजी देसाई यांनी ही माहिती दिली.
मागील आठवडय़ात धाब्यावरील अन्न खाल्ल्यानंतर पुण्यातील दोन कामगारांचा विषबाधा होऊन मृत्यू झाला होता. या घटनेच्या पाश्र्वभूमीवर अन्न विभागाने धाब्यांच्या तपासणीसाठी मोहीम हाती घेतली आहे. या अंतर्गत मुंबई-पुणे द्रुतगती महामार्ग, जुना मुंबई-पुणे महामार्ग, सोलापूर महामार्ग, भोर हद्दीपर्यंतचा कोल्हापूर रस्ता, मुळशी रस्ता व पौड फाटा या ठिकाणच्या ४५ ढाब्यांची तपासणी करण्यात आली आहे. यांपैकी २ ते ४ धाब्यांकडे परवाने नसल्याचे आढळले आहे. या धाब्यांना परवाने काढण्यासाठी आणि जुन्या परवान्यांच्या नूतनीकरणासाठी ठरावीक मुदत देण्यात आली आहे. दिलेल्या मुदतीत या धाब्यांनी परवाने न घेतल्यास त्यांच्यावर दंडात्मक तसेच न्यायालयीन कारवाई होऊ शकते. ज्या धाब्यांना गुणवत्ता सुधारण्यासंबंधी नोटिस बजावण्यात आल्या आहेत, त्यांनीही पंधरा दिवसांत गुणवत्ता सुधारणे आवश्यक आहे. 

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on May 31, 2013 2:15 am

Web Title: fda implements dhaba inspection campaign strictly
Next Stories
1 बारावीच्या निकालाचा यंदा ‘कोकण पॅटर्न’; मुलींची पुन्हा बाजी
2 मेट्रोच्या बाजूला मनोरे उभारा अन्यथा, लाखो रुपयांचा सेस भरा
3 पिंपरी महापालिकेच्या १३०० शिक्षकांचे होणार ‘ब्रेन वॉश’
Just Now!
X