News Flash

एफडीएतर्फे २ लाख ९१ हजारांचे तेल जप्त

मोहरी तेल आणि राईस ब्रॅन तेलाचे अनधिकृतपणे मिश्रण करून विकल्याबद्दल अन्न व औषध प्रशासनातर्फे (एफडीए) मार्केट यार्ड येथील विक्रेत्याकडून २ लाख ९१ हजारांचे तेल जप्त

| September 20, 2013 02:42 am

मोहरी तेल आणि राईस ब्रॅन तेलाचे अनधिकृतपणे मिश्रण करून विकल्याबद्दल अन्न व औषध प्रशासनातर्फे (एफडीए) मार्केट यार्ड येथील विक्रेत्याकडून २ लाख ९१ हजारांचे तेल जप्त करण्यात आले आहे.
मार्केट यार्डमधील ‘अगरवाल ट्रेडिंग कंपनी’ या विक्रेत्यावर ही कारवाई करण्यात आली आहे. विक्रेता विकत असलेल्या तेलाच्या मिश्रणात ६० टक्के मोहरीचे तेल तर ४० टक्के राईस ब्रॅन तेल होते. ही दोन्ही तेले राजस्थान येथील लक्ष्मी इंडस्ट्रीज या उत्पादक कंपनीने बनवलेली आहेत. अशा प्रकारे दोन किंवा अधिक तेलांचे मिश्रण करून विकण्यासाठी ‘अॅगमार्क’ प्रमाणपत्र घ्यावे लागते. हे प्रमाणपत्र विक्रेत्याकडे नसल्याचे अन्न विभागाचे सहायक आयुक्त दिलीप संगत यांनी सांगितले.
कारवाईत तेलाचे १५ किलोचे ५१ डबे, ५ लिटरचे १३६ डबे आणि अर्धा लिटरच्या २,२३६ बाटल्या जप्त करण्यात आल्या. या मालाची किंमत २,९१,१३३ रुपये आहे. सहायक आयुक्त शिवाजी देसाई, अन्न सुरक्षा अधिकारी पराग नलावडे आणि रमाकांत कुलकर्णी यांनी या कारवाईत सहभाग घेतला.

लोकसत्ता आता टेलीग्रामवर आहे. आमचं चॅनेल (@Loksatta) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.

First Published on September 20, 2013 2:42 am

Web Title: fda seized oil of rs 2 lack 91 thousand
Next Stories
1 काँग्रेसची राज्यभर जनजागरण रथयात्रा
2 वेधशाळेचा अंदाज तंतोतंत खरा ठरतो तेव्हा.. गणेशोत्सवात तब्बल दोनशे मिलिमीटर पाऊस!
3 तब्बल ९७ टन निर्माल्य गोळा!
Just Now!
X