पुण्यातील बिबवेवाडी येथील ओंकार नगर येथे मसाला तयार करणाऱ्या कारखान्यामध्ये आग लागली. या आगीत कारखान्यातील साहित्य जळून खाक झाले आहे. ही घटना आज (सोमवार) सकाळी साडेसातच्या सुमारास घडली. गॅस सिलिंडरच्या स्फोटामुळे आग लागल्याची शक्यता वर्तवण्यात येत आहे. अग्निशामक विभागाच्या अधिकाऱ्यांनी दिलेल्या माहितीनुसार, ओंकारनगर येथे मसाला बनवणाऱ्या कारखान्यात सकाळी साडेसात वाजण्याच्या सुमारास आग लागण्याची घटना घडली. आगीत मसाला तयार करण्याच्या मशिनरी जळून गेल्या आहेत.
