दिल्ली येथील जवाहरलाल नेहरू विद्यापीठातील (जेएनयू) विद्यार्थ्यावर झालेल्या हल्ल्याचे पडसाद देशभर उमटण्यास सुरुवात झाली आहे. त्या पार्श्वभूमीवर पुण्यातील फिल्म अॅण्ड टेलिव्हिजन इन्स्टिट्युट ऑफ इंडिया (एफटीआयआय) मधील विद्यार्थ्यांनी जेएनयूच्या घटनेच्या निषेधार्थ प्रवेशद्वाराबाहेर आंदोलन सुरू केले आहे. दिल्ली येथील जवाहरलाल नेहरू विद्यापीठातील जेएनयूएसयूच्या अध्यक्षा आयशी घोष यांच्यावर अखिल भारतीय विद्यार्थी परिषद (अभविप) या संघटनेकडून हल्ला करण्यात आल्याचे बोललेले जात आहे. आता पर्यंत १५ विद्यार्थी हल्ल्यात गंभीर जखमी झाले असल्याची माहिती समोर आली आहे. या घटनेची माहिती वाऱ्यासारखी देशभर पसरताच, या घटनेचे पडसाद उमटण्यास सुरुवात झाली आहे. त्या पार्श्वभूमीवर पुण्यातील एफटीआयआयमधील विद्यार्थ्यांनी प्रवेशद्वाराबाहेर आंदोलन सुरू केले असून जोरदार घोषणाबाजी करण्यात येत आहे.
