पुण्यात ४० वर्षांच्या महिलेवर तिघांनी सामूहिक बलात्कार केल्याची धक्कादायक घटना रविवारी रात्री घडली. या प्रकरणी चतुश्रुंगी पोलीस ठाण्यात गुन्हा दाखल करण्यात आला असून, पोलीसांनी एका आरोपीला ताब्यात घेतले असल्याचे समजते. सर्व आरोपी सुरक्षारक्षकाचे काम करीत असल्याची माहिती मिळाली आहे. सूस रस्त्यावरील ननावरे वस्ती या भागातून तिघांनी संबंधित महिलेला पळवून नेले. त्यानंतर देहूरोड बाह्यवळण मार्गावर रविवारी रात्री तिघांनीही तिच्यावर बलात्कार केला.
